نئی دہلی، 8 دسمبر (ہ س)۔

راجیہ سبھا کے چیئرمین سی پی رادھا کرشنن نے مسلح افواج کے فلیگ ڈے فنڈ میں ایک ماہ کی تنخواہ عطیہ کی ہے۔ انہوں نے راجیہ سبھا کے تمام ممبران سے بھی اس فنڈ میں حصہ ڈالنے کی درخواست کی ہے۔

رادھا کرشنن نے پیر کے روز ایوان کا افتتاح کرتے ہوئے کہا کہ مسلح افواج کا فلیگ ڈے ہر سال 7 دسمبر کو جنگ کے شہیدوں اور ان وردی والے فوجیوں کے اعزاز میں منایا جاتا ہے جنہوں نے نہ صرف ہمارے ملک کی سرحدوں کا دفاع کیا بلکہ دہشت گردی اور شورش کا بھی بہادری سے مقابلہ کیا۔ اس دن، آرمڈ فورسز فلیگ ڈے فنڈ (اے ایف ایف ڈی ایف) کے لیے عطیات جمع کیے جاتے ہیں، جو جنگی بیواو¿ں، جنگی شہیدوں کے زیر کفالت افراد، اور سابق فوجیوں (ای ایس ایم) بشمول معذور افراد کی فلاح و بہبود اور بحالی کے لیے استعمال کیا جاتا ہے۔ انہوں نے تمام اراکین سے آرمڈ فورسز فلیگ ڈے فنڈ میں دل کھول کر حصہ ڈالنے کی درخواست کی۔ انہوں نے کہا کہ ممبران اپنے دوستوں اور رشتہ داروں سے بھی اس فنڈ میں حصہ ڈالنے کی درخواست کر سکتے ہیں۔

ہندوستھان سماچار

ہندوستان سماچار / عطاءاللہ