ٹریکٹر ٹرالی اور ارٹیگا کار میں خوفناک ٹکر، ایک کی موت، ایک شدید زخمی

بارہ بنکی، 6 دسمبر (ہ س)۔ اتر پردیش کے بارہ بنکی ضلع کے کوٹھی تھانہ علاقے کے تحت سعد اللہ پور گاوں کے پاس جمعہ کی رات تقریباً 11.30 بجے ایک خوفناک سڑک حادثہ پیش آیا، جس میں ارٹیگا کار کے پرخچے اڑ گئے اور ایک شخص کی موقع پر ہی موت ہو گئی۔ حادثے کے بعد باندا-بہرائچ روڈ تقریباً 2 گھنٹے تک جام رہا۔

موصولہ معلومات کے مطابق، جمعہ کی دیر رات بارہ بنکی-بہرائچ روڈ پر سعد اللہ پور گاوں کے پاس ایک تیز رفتار ارٹیگا کار اور ٹریکٹر ٹرالی کے درمیان آمنے سامنے کی ٹکر ہو گئی۔ ٹکر اتنی شدید تھی کہ ارٹیگا کار پوری طرح تباہ ہو کر ملبے میں تبدیل ہو گئی اور موقع پر افرا تفری مچ گئی۔

واقعے کے بعد آس پاس موجود دیہی باشندوں نے انسانیت دکھاتے ہوئے فوراً پولیس کو اطلاع دی اور بچاو کام میں لگ گئے۔

اطلاع پر فوراً کوٹھی تھانہ پولیس موقع پر پہنچی۔ پولیس اور دیہی باشندوں کے تعاون سے کار میں پھنسے زخمیوں کو باہر نکالا گیا اور علاج کے لیے کمیونٹی ہیلتھ سینٹر، کوٹھی لے جایا گیا۔

ڈاکٹروں نے جانچ کے بعد ایک زخمی، شری رام شرما (50) رہائشی گنگا پور، سیتا پور کو مردہ قرار دے دیا۔ وہیں، دوسرے زخمی شخص کی شناخت پنکج (44) سال، رہائشی سیتا پور ضلع، تھانہ بسوا کے طور پر ہوئی ہے۔ جو شدید طور پر زخمی ہیں۔ پولیس کے مطابق، باقی دیگر زخمیوں کے بارے میں ابھی کوئی سرکاری تصدیق نہیں ہو پائی ہے۔ حادثے کی ہولناکی کے سبب باندا-بہرائچ مین روڈ پر تقریباً 2 گھنٹے تک ٹریفک پوری طرح متاثر رہا، جس سے کئی کلومیٹر لمبا جام لگ گیا۔ پولیس اور دیہی باشندوں کے انتھک تعاون سے تباہ شدہ کار اور ٹریکٹر ٹرالی کو سڑک سے ہٹایا گیا، جس کے بعد دیر رات ٹریفک بحال ہو سکا۔

کوٹھی تھانہ انچارج امت سنگھ بھدوریا نے بتایا معاملے کی جانچ کی جا رہی ہے پولیس زخمیوں کی جانکاری جمع کرنے کی کوشش کر رہی ہے۔

ہندوستھان سماچار

---------------

ہندوستان سماچار / انظر حسن