سرد ہواوں سے ٹھٹھرا گوالیار-چمبل، ریاست کے 19 شہروں کا پارہ 10 ڈگری سے نیچے

بھوپال، 6 دسمبر (ہ س)۔ مدھیہ پردیش میں سرد ہوائیں پھر تیز ہو گئی ہیں۔ شمال سمت سے آ رہی برفیلی ہواوں نے گوالیار، چمبل اور ساگر ڈیویژن میں ٹھٹھرن بڑھا دی ہے۔ کئی علاقوں میں کوہرا چھانے لگا ہے، جس سے حد نگاہ بھی کم ہو گئی۔ گزشتہ رات میں بھوپال، گوالیار، جبل پور سمیت 19 شہروں میں کم از کم درجہ حرارت 10 ڈگری سیلسیس سے نیچے پہنچ گیا، جبکہ ریوا 5.8 ڈگری کے ساتھ سب سے سرد رہا۔ ریاست میں رات کے درجہ حرارت میں اوسط 2 سے 3 ڈگری کی گراوٹ درج کی گئی ہے۔ محکمہ موسمیات کا اندازہ ہے کہ درجہ حرارت میں گراوٹ ابھی کچھ دن جاری رہے گی۔

سینئر موسمیاتی سائنسداں ڈاکٹر دیویا ای سریندرن نے جانکاری دیتے ہوئے بتایا کہ ہماچل پردیش اور اتراکھنڈ کے اونچائی والے حصوں میں سرگرم ویسٹرن ڈسٹربنس کے سبب برف باری اور بارش کا امکان ہے۔ ان خطوں سے آ رہی برفیلی ہوائیں مدھیہ پردیش تک پہنچ رہی ہیں، جس سے 7 اور 8 دسمبر کو سردی اور تیز ہونے کا امکان ظاہر کیا گیا ہے۔ ریاست میں شمالی ہوائیں تو چل رہی ہیں، لیکن ان کی شدت کم ہے۔ اسی وجہ سے دن اور رات کے درجہ حرارت میں بڑا فرق دیکھنے کو مل رہا ہے۔ ریاست میں آسمان پوری طرح صاف ہے اور موسم خشک بنا ہوا ہے۔ اس کے علاوہ ایک اور ویسٹرن ڈسٹربنس درمیانی ٹروپوسفیرک مغربی ہواوں میں ٹرف کی شکل میں سرگرم ہے۔

جمعہ کی رات ریوا ریاست کے واحد ہل اسٹیشن پچمڑھی سے بھی سرد رہا۔ یہاں پارہ سب سے کم 5.8 ڈگری سیلسیس پر پہنچ گیا۔ بھوپال میں 8.2 ڈگری، اندور میں 11 ڈگری، گوالیار میں 7.5 ڈگری، اجین میں 11.7 ڈگری اور جبل پور میں 9.9 ڈگری سیلسیس درج کیا گیا۔ راج گڑھ-کلیان پور میں 6 ڈگری، پچمڑھی میں 6.7 ڈگری، ستنا کے چترکوٹ میں 6.8 ڈگری، شیوپوری میں 7 ڈگری، امریا میں 7.1 ڈگری، نوگاوں میں 8.2 ڈگری، ستنا میں 8.6 ڈگری، دموہ-کھجوراہو میں 9 ڈگری، گنا میں 9.5 ڈگری، سیدھی میں 9.6 ڈگری، ملاج کھنڈ میں 9.7 ڈگری اور دھار میں درجہ حرارت 9.9 ڈگری رہا۔

ہندوستھان سماچار

---------------

ہندوستان سماچار / انظر حسن