نئی دہلی، 5 دسمبر (ہ س)۔ وزیر اعلیٰ ریکھا گپتا کی موجودگی میں جمعہ کو دہلی پبلک ورکس ڈیپارٹمنٹ (پی ڈبلیو ڈی) اور جی ایم آر گروپ کے درمیان آزاد پور مارکیٹ سے اندرلوک تک سڑک کی آرائش کے لیےایک مفاہمت نامہ (ایم او یو) پر دستخط کیے گئے۔ یہ معاہدہ اس مصروف کاریڈور کو ایک خوبصورت، منظم اور محفوظ شہری راستے میں تبدیل کرنے کی جانب ایک فیصلہ کن قدم کی نشاندہی کرتا ہے۔

اس موقع پر دہلی سکریٹریٹ میں صحافیوں سے خطاب کرتے ہوئے وزیر اعلیٰ نے کہا کہ آلودگی کے خلاف جنگ انتہائی اہم ہے۔ اس جنگ میں سب کا متحد ہونا بہت ضروری ہے۔ اجتماعی کوششوں سے ہم بہتر نتائج حاصل کر سکتے ہیں۔ اس سمت میں آگے بڑھتے ہوئے دہلی حکومت نے آج یہاں بڑی کمپنیوں کو شامل کرنے کے لیے قدم اٹھایا ہے۔ ہم نے آلودگی کے خلاف جنگ میں شامل ہونے کے لیے جی ایم آر کے ساتھ مفاہمت کی ایک یادداشت پر دستخط کیے ہیں۔

وزیر اعلیٰ نے کہا کہ دہلی کے ماحولیات کے تئیں حکومت ہمیشہ محتاط رہتی ہے۔ ہفتہ کو دہلی کے پورے رنگ روڈ کی دھلائی اور صفائی کی جائے گی ۔

ہندوستھان سماچار

ہندوستان سماچار / محمد شہزاد