جموں, 5 دسمبر (ہ س)شمالی کمان کے جنرل آفیسر کمانڈنگ اِن چیف لیفٹیننٹ جنرل پرتیک شرما نے پونچھ کے ہری بُدھا سیکٹر کا دورہ کیا اور وہاں تعینات فوجی یونٹس کی آپریشنل تیاریوں کا جائزہ لیا۔

فوجی ترجمان کے مطابق، آرمی کمانڈر کو علاقے کی موجودہ سیکورٹی صورتحال، جاری انسدادِ دہشت گردی کارروائیوں اور مشن کی پیش رفت کے بارے میں جامع بریفنگ دی گئی۔ بریفنگ کے دوران بہتر نگرانی کے نظام، فوری ردعمل کی صلاحیتوں اور جدید ٹیکنالوجی پر مبنی حکمت عملیوں سے متعلق ترتیب دی گئی مشقوں کا بھی جائزہ لیا گیا۔

لیفٹیننٹ جنرل شرما نے دشوار گزار پہاڑی علاقوں میں خدمات انجام دینے والے اہلکاروں کی پیشہ ورانہ صلاحیت، عزم اور اعلیٰ سطح کی تیاری کی تعریف کرتے ہوئے کہا کہ خطے میں مضبوط سیکورٹی گرڈ برقرار رکھنے میں جوانوں کا کردار کلیدی ہے۔

دورے کے دوران فوجی اہلکاروں سے ان کی یونٹوں میں ملاقات بھی ہوئی، جس سے اُن کے حوصلے بلند ہوئے۔ آرمی کمانڈر نے اس عزم کا اعادہ کیا کہ فوج خطے میں امن و استحکام برقرار رکھنے اور آپریشنل برتری کو یقینی بنانے کے لیے پوری طرح مستعد ہے۔

ہندوستھان سماچار

ہندوستان سماچار / محمد اصغر