حیدرآباد , 23 دسمبر(ہ س)۔ تلنگانہ میں حال ہی میں مکمل ہونے والے پنچایت انتخابات کے بعد نومنتخب سرپنچوں، نائب سرپنچوں اور وارڈ ارکان نے اپنی ذمہ داریاں سنبھال لیں۔ اس موقع پروزیراعلیٰ اے ریونت ریڈی نے سوشل میڈیا پلیٹ فارم ایکس (ٹویٹر) کے ذریعہ تمام نئے نمائندوں کو مبارکباد پیش کی۔
وزیراعلیٰ نے اپنے پیام میں کہا کہ سرپنچ، نائب سرپنچ اوروارڈ ممبرکے طورپرذمہ داریاں سنبھالنے والے تمام بھائیوں اوربہنوں کومیری طرف سے دلی مبارکباد۔ میں امید کرتا ہوں کہ آپ بہترین طرزحکمرانی کے ذریعہ اپنی پنچایتوں کومثالی دیہاتوں میں بدل دیں گے اورعوام کا اعتماد اورپیارحاصل کریں گے۔واضح رہے کہ حال ہی میں تین مرحلوں میں منعقد ہونے والے پنچایت انتخابات میں برسراقتدارکانگریس پارٹی کے تائیدی امیدواروں نے شاندارکارکردگی کا مظاہرہ کیاہے۔ کانگریس نے تقریباً دوتہائی نشستوں پرکامیابی حاصل کی ہے جسے پارٹی قائدین عوامی سطح پراپنی حکومت کی پالیسیوں پرمہرتصدیق قراردے رہے ہیں۔ دیہی عوام کی جانب سے ملنے والی اس بڑی تائید کے بعد کانگریس کی قیادت کافی پراعتماد نظرآرہی ہے۔
ہندوستھان سماچار
ہندوستان سماچار / محمدعبدالخالق
23 Dec 2025
