سیتا پور، 14 دسمبر (ہ س)۔ اترپردیش میں سیتا پور ضلع کے سدھولی تھانہ علاقے میں ہفتہ کی دیر رات ایک دودھ ڈیری آپریٹر کو گولی مار کر ہلاک کر دیا گیا۔ پولیس نے جائے وقوعہ پر پہنچ کر جائزہ لیا اور قاتلوں کی تلاش شروع کر دی۔

ایڈیشنل سپرنٹنڈنٹ آف پولیس (جنوبی) درگیش پرتاپ سنگھ نے اتوار کو بتایا کہ راہل یادو (26) جو ہردوئیا گاؤں سدرا پور کا رہنے والا تھا، سدھولی کے محمود آباد چوراہے پر دودھ کی ڈیری چلا کر اپنی روزی کماتا تھا۔ اس کے بھائی نے شکایت درج کرائی کہ راہل معمول کے مطابق ہفتہ کی رات اپنی دکان بند کرنے کے بعد گھر جا رہا تھا۔ ہردوئیا روڈ پر پہلے سے انتظار میں بیٹھے نامعلوم حملہ آوروں نے اس کے بھائی کو گولی مار کر قتل کر دیا۔

اے ایس پی ساؤتھ نے کہا کہ خاندان کی شکایت پر مقدمہ درج کیا گیا ہے اور کچھ گاؤں والوں کو نامزد کیا گیا ہے۔ اب تک کی تحقیقات سے پتہ چلتا ہے کہ قتل کے پیچھے پرانی دشمنی تھی۔ ملزمان کو گرفتار کر کے واقعہ کا جلد خلاصہ کیا جائے گا۔

---------------

ہندوستان سماچار / عبدالسلام صدیقی