جموں, 14 دسمبر (ہ س)۔

شمالی ریلوے کی جموں ڈویژن نے مسافروں کی بڑھتی ہوئی تعداد کے پیش نظر شری ماتا ویشنو دیوی کٹرا اور نئی دہلی کے درمیان ریزروڈ خصوصی ٹرین خدمات کامیابی کے ساتھ چلائیں۔ یہ خصوصی ٹرینیں سفر کے دوران مسافروں کو سہولت فراہم کرنے کے مقصد سے شروع کی گئیں۔

خصوصی ٹرین کو 12 دسمبر سے 14 دسمبر تک چلایا گیا۔ 13 دسمبر کو ٹرین نمبر 04082 مقررہ وقت پر شری ماتا ویشنو دیوی کٹرا سے نئی دہلی کے لیے روانہ ہوئی اور مسافروں کے بڑے رش کو بخوبی سنبھالا گیا، جس سے مسافروں کو آرام دہ سفر میسر آیا۔ پہلے ہی دن 60 فیصد سے زائد نشستیں پُر ہو گئیں جبکہ اعلان کے بعد 700 سے زیادہ نشستوں کی بکنگ کی گئی۔

14 دسمبر کو مسافروں کا ردعمل مزید بڑھ گیا اور 900 سے زائد نشستیں بک ہوئیں۔ اس طرح 13 اور 14 دسمبر کے دوران مجموعی طور پر 1,600 سے زیادہ نشستوں کی بکنگ درج کی گئی۔ خصوصی ٹرین کی کامیاب آمدورفت سے شری ماتا ویشنو دیوی کٹرا آنے والے یاتریوں اور دیگر مسافروں کو بروقت اور قابلِ اعتماد سفری سہولت فراہم ہوئی۔

سینئر ڈویژنل کمرشل منیجر جموں، اچت سنگھل نے کہا کہ کٹرا سے نئی دہلی کے لیے ریزروڈ خصوصی ٹرین کا آپریشن پہلے ہی دن سے مکمل طور پر کامیاب رہا۔ انہوں نے بتایا کہ یہ ٹرین جموں، پٹھانکوٹ کینٹ، جالندھر کینٹ، لدھیانہ، امبالہ کینٹ اور پانی پت سمیت اہم اسٹیشنوں پر رکی، جس سے راستے کے مختلف علاقوں کے مسافروں کو فائدہ پہنچا۔

انہوں نے مزید کہا کہ مسافروں کے زبردست ردعمل اور کسی بڑی پریشانی کے بغیر ٹرین کی ہموار آمدورفت ریلوے انتظامیہ کی مؤثر منصوبہ بندی اور عملے کی محنت و لگن کا مظہر ہے۔

ہندوستھان سماچار

---------------

ہندوستان سماچار / محمد اصغر