علی گڑھ, 14 دسمبر (ہ س)۔ راجہ مہندر پرتاپ سنگھ اسٹیٹ یونیورسٹی سے منسلک سر ایم یو ڈگری کالج، سہاور، کاس گنج میں بی اے امتحان میں اجتماعی نقل، گنج ڈندوارہ کالج میں مقررہ وقت سے ایک گھنٹہ قبل امتحان ختم کرانے اور اترولی میں نقل کے لیے سودے بازی کامعاملہ سامنے آیا ہے۔ کالجز کو ڈیبار قرار دینے کا فیصلہ امتحانی کمیٹی کرے گی جسکے لیے ایڈمنسٹریٹرز کو نوٹس جاری کیے گئے ہیں۔ ڈویژن بھر میں فلائنگ اسکواڈکی کی سرگرمی بڑھا دی گئی ہے۔ آن لائن معائنے میں بھی کئی مراکز پر سی سی ٹی وی کیمرے اور اسپیکر بند ملے ۔ پرنسپلز اور سیکرٹریز کو بہتری کے لیے سخت وارننگ جاری کی گئی ہے۔

کنٹرولرامتحانات دھیریندر کمار نے بتایا کہ فلائنگ اسکواڈ نے سر ایم یو ڈگری کالج میں بی اے پانچویں سمسٹر کی تیسری شفٹ میں امتحان کے دوران آٹھ امیدواروں کے او ایم آر شیٹ پر ایک جیسے جواب ملے، جبکہ امیدواروں کو مختلف سیریز کے سوالیہ پرچے دیے گئے تھے، یہ اجتماعی نقل کا معاملہ ہے۔ گنج ڈندوارہ کالج کاسگنج میں بی اے پانچویں سمسٹر کی سنسکرت (ویدک زبان اور ہندوستانی فلسفہ ) کا امتحان مقررہ وقت سے ایک گھنٹہ پہلے ختم کر دیا گیا۔ مرکز پر پہنچی تصدیقی ٹیم نے دیکھا کہ زیادہ تر امیدوار دوپہر3:55؍ تک مرکز چھوڑ چکے تھے، جب پوچھ گچھ کی گئی تو سنٹر کے منتظم نے بتایا کہ طلباء کے ٹرین شیڈول کی وجہ سے اجازت دی گئی۔ یہ امتحانی نظام حکومتی احکامات کی خلاف ورزی کرتا ہے ، دونوں مراکز کے آپریٹرز کو شوکاز نوٹس جاری کیے گئے ہیں۔ تسلی بخش جواب نہ ملنے پر مراکز بند کر دیے جائیں گے۔

---------------

ہندوستان سماچار / سید کامران علی گڑھ