رانچی، 7 نومبر (ہ س)۔ جھارکھنڈ کے مختلف اضلاع میں اگلے 5-6 دنوں تک موسم صاف رہے گا۔ راجدھانی رانچی سمیت ریاست کے مختلف اضلاع میں اگلے چند دنوں میں کم از کم درجہ حرارت مزید کم ہو سکتا ہے۔ اس سے سردی بڑھے گی۔ محکمہ موسمیات نے جمعہ کو یہ اطلاع دی۔ محکمہ نے کہا ہے کہ رانچی سمیت دیگر اضلاع میں صبح سویرے اور دیر رات دھند چھائی رہے گی لیکن جیسے جیسے دن چڑھے گامطلع بالکل صاف رہے گا۔

گزشتہ 24 گھنٹوں کے دوران جھارکھنڈ میں سب سے زیادہ درجہ حرارت چائباسا میں 32.8 ڈگری اور سب سے کم درجہ حرارت سمڈیگا ضلع کے بانو میں 13.9 ڈگری سیلسیس درج کیا گیا۔دارالحکومت رانچی اور آس پاس کے علاقوں میں جمعہ کو مطلع مکمل طور پر صاف رہا۔ صبح کے وقت سردی محسوس کی گئی لیکن دوپہر کو سورج چمکنے لگا۔

جمعہ کو رانچی میں زیادہ سے زیادہ درجہ حرارت 27.1 ڈگری، جمشید پور میں 31.3 ڈگری، ڈالٹن گنج میں 32 ڈگری، بوکارو میں 28.1 اور چائباسا میں 32.8 ڈگری سیلسیس ریکارڈ کیا گیا۔

ہندوستھان سماچار

ہندوستان سماچار / محمد شہزاد