جموں, 6 نومبر (ہ س) ۔

جموں و کشمیر کے ضلع کشتواڑ میں سیکورٹی فورسز نے جمعرات کو بڑے پیمانے پر گھیراؤ اور تلاشی کارروائی شروع کی ہے تاکہ ان دہشت گردوں کو تلاش کیا جا سکے جو بدھ کے روز چھاترو کے گھنے جنگلات میں سیکورٹی فورسز کے ساتھ تصادم کے بعد فرار ہوگئے تھے۔

ذرائع کے مطابق، دو سے تین دہشت گرد اب بھی علاقے میں چھپے ہوئے ہیں اور ابتدائی معلومات سے عندیہ ملتا ہے کہ ان کا تعلق پاکستان سے ہے۔ بدھ کو ہوئے تصادم میں ایک فوجی اہلکار زخمی ہوا تھا۔

ایک سینئر سیکورٹی افسر نے بتایا کہ آپریشن مسلسل جاری ہے، تاہم بدھ کی دوپہر کے بعد فائرنگ کا کوئی نیا تبادلہ نہیں ہوا۔ فورسز نے علاقے کا مکمل محاصرہ کر رکھا ہے جبکہ ڈرونز، سنیفر ڈاگز اور اضافی کمک کو بھی کارروائی میں شامل کیا گیا ہے تاکہ دہشت گردوں کے ممکنہ ٹھکانوں کو محدود کیا جا سکے۔

حکام کا کہنا ہے کہ حالیہ مہینوں کے دوران کشتواڑ ضلع میں دہشت گردوں کی نقل و حرکت میں اضافہ ریکارڈ کیا گیا ہے۔ گزشتہ سات ماہ میں یہاں چھ تصادم ہو چکے ہیں، جن میں سیکورٹی فورسز نے پاکستان سے سرگرم جنگجو گروہوں کے خلاف نمایاں کامیابیاں حاصل کی ہیں۔

ہندوستھان سماچار

---------------

ہندوستان سماچار / محمد اصغر