شوپیاں 6 نومبر(ہ س )۔ شوپیاں کے دور افتادہ گاوں گڈی پورہ کتھاہلان علاقے میں صبح اس وقت خوف و ہراس پھیل گیا جب مقامی لوگوں نے ایک بھورے ریچھ کو اپنے کھیتوں اور باغات کے قریب گھومتے ہوئے دیکھا۔ یہ اس وقت دیکھنے میں آیا جب لوگ مویشیوں کو باغات کی طرف لے جا رہے تھے، جس سے حفاظت کے لیے فوری تشویش پیدا ہوئی۔ لوگوں نے فوری طور پر پولیس کنٹرول روم (پی سی آر) شوپیان کو اطلاع دی۔ محکمہ وائلڈ لائف کی ایک ٹیم فوراً موقع پر پہنچی اور بغیر کسی نقصان کے ریچھ کو کامیابی سے پکڑ لیا۔ کسی جانی یا مالی نقصان کی اطلاع نہیں ملی۔ مقامی لوگوں نے راحت کا اظہار کیا اور محکمہ وائلڈ لائف کے فوری اور موثر ردعمل کی تعریف کی جس نے کسی بھی ممکنہ نقصان کو روکا گیا۔ہندوستھان سماچار

ہندوستان سماچار / Aftab Ahmad Mir