حیدرآباد ، 3 نومبر (ہ س)۔ تلنگانہ کے ضلع رنگاریڈی کے چیوڑلہ میں پیش آئے سڑک حادثہ کے مہلوکین کا ایک ہی مقام عثمانیہ ہاسپٹل میں پوسٹ مارٹم کرنے کاحکومت نے فیصلہ کیا ہے۔ اس مقصد کے لئے لاشوں کوعثمانیہ ہاسپٹل منتقل کیاگیا۔اعلیٰ عہدیداروں نے ہدایت دی ہے کہ عثمانیہ ہاسپٹل کی ٹیم کے ساتھ گاندھی ہاسپٹل کے فارنسک ماہرین بھی پوسٹ مارٹم کارروائی میں حصہ لیں۔ گاندھی ہاسپٹل سے ڈاکٹروں کی ایک ٹیم عثمانیہ ہاسپٹل روانہ ہو گئی ہے۔ دوسری جانب زخمیوں کے علاج کے لئے گاندھی ہاسپٹل میں خصوصی وارڈ قائم کیاگیا ہے۔ گاندھی ہاسپٹل کے ڈاکٹروں کی ٹیم نے بتایا کہ متاثرین کے پہنچتے ہی فوری طورپرعلاج کے لئے تمام انتظامات مکمل کر لئے گئے ہیں۔

ہندوستھان سماچار

ہندوستان سماچار / محمدعبدالخالق