وزیر اعلیٰ ڈاکٹر یادو نے ’ون اندور-رن اندور‘ میراتھن سے ورچوئلی خطاب کیا

بھوپال، 23 نومبر (ہ س)۔ مدھیہ پردیش کے وزیر اعلیٰ ڈاکٹر موہن یادو نے کہا کہ اندور نے صفائی اور ذائقے کے شعبے میں دنیا میں خصوصی شناخت بنائی ہے۔ آج کی میراتھن، اندور کو صحت کے شعبے میں بھی خصوصی شناخت دے گی۔ صحت کا بنیادی ماخذ دوڑ ہے اور دوڑ کے لیے اتنی بڑی تعداد میں لوگ موجود ہیں۔ یہ اندور کے باشندوں کی توانائی اور اجتماعی عزم کی طاقت سے شہر کے لیے کچھ بہتر کرنے کے ان کے جذبے کو ظاہر کرتی ہے۔ مثبت پہل کے نتائج ہمیشہ بہتر ہوتے ہیں۔ اندور اس میراتھن کے ذریعے صحت کے شعبے میں ریکارڈ قائم کرے گا۔

وزیر اعلیٰ ڈاکٹر یادو اتوار کو صبح 7 بجے ’’ون اندور-رن اندور‘‘ میراتھن کے آغاز کے موقع پر موجود اندور کے باشندوں کو بھوپال واقع سی ایم ہاوس سے ورچوئلی خطاب کر رہے تھے۔ وزیر اعلیٰ ڈاکٹر یادو نے میراتھن کے تمام شرکاء کو نیک خواہشات دیتے ہوئے میراتھن کا آغاز کیا۔

وزیر اعلیٰ ڈاکٹر یادو نے کہا کہ فٹنس، اجتماعی بیداری اور صحت سے متعلق بیداری کو فروغ دینے کے مقصد سے منعقدہ ’’ون اندور-رن اندور‘‘ میراتھن کا یہ شاندار انعقاد اندور شہر کے لیے فخر کا موضوع ہے۔ یہ انعقاد یونائیٹڈ اندور کے جذبے کو مضبوط کرنے والا ایک اہم قدم ہے۔ اس کا مقصد اندور کے باشندوں میں صحت مند طرز زندگی کو فروغ دینا، کمیونٹی کے اتحاد کو مضبوط کرنا اور فٹنس کو ایک عوامی تحریک کی شکل دینا ہے۔ وزیر اعلیٰ ڈاکٹر یادو نے کہا کہ اپنے شہر کے لیے اتنے حساس موضوع پر منعقدہ میراتھن میں وہ جسمانی طور پر نہیں، بلکہ جذباتی طور پر خود بھی شامل ہیں۔

وزیر اعلیٰ ڈاکٹر یادو نے کہا کہ یہ خوشی کا موضوع ہے کہ اس پروگرام میں 10 ہزار سے زیادہ شرکاء نے رجسٹریشن کرایا ہے۔ میراتھن کی 3، 5 اور 7 کلومیٹر دوڑ کی کٹیگریز (درجوں) میں دوڑنے کے لیے ان کی موجودگی اندور کی بیداری اور جوش کا واضح ثبوت ہے۔ اندور کی عوام ہمیشہ سے مثبت پہل میں سب سے آگے رہی ہے۔ یہ پروگرام شہر کی توانائی، ولولے اور صحت کے تئیں بڑھتی بیداری کو نئی سمت دے گا۔ صفائی میں ملک کی مسلسل قیادت کرنے والا ہمارا اندور، اب صحت کے شعبے میں بھی ملک میں نمبر 1 بنے، یہ ہم سب کا اجتماعی عزم ہے۔ ’’ون اندور-رن اندور‘‘ اسی سمت میں ایک مضبوط پہل ہے۔ یہ پروگرام اندور کے باشندوں میں فٹنس کے تئیں جوش کو مزید بڑھائے گا، ساتھ ہی ایک صحت مند معاشرے کی تعمیر کا پیغام پورے صوبے میں پھیلائے گا۔

وزیر اعلیٰ ڈاکٹر یادو نے کہا کہ ترقی کے ساتھ صوبے کے باشندوں کی بہتر صحت کے لیے بھی ریاستی حکومت کی جانب سے مسلسل سرگرمیاں چلائی جا رہی ہیں۔ نوجوانوں کے لیے بہتر صحت کی بنیاد، کھیل کو فروغ دینے کے لیے ریاستی حکومت کی جانب سے ہر ممکن کوشش کی جا رہی ہے۔ اسی کا نتیجہ ہے کہ اب ہر بین الاقوامی مقابلے سے صوبے کے کھلاڑی میڈل لے کر ہی لوٹ رہے ہیں۔ اس کی تازہ مثال کرانتی گوڑ ہیں، جنہوں نے وومن ورلڈ کپ میں دنیا میں اپنی صلاحیت کا لوہا منوایا ۔ ریاستی حکومت کی طرف سے حوصلہ افزائی کے طور پر انہیں ایک کروڑ روپے کی رقم دی گئی۔ اندور میں منعقدہ پروگرام میں آبی وسائل کے وزیر تلسی رام سلاوٹ، اندور کے میئر پشیامتر بھارگو، رکن اسمبلی رمیش میندولا، مدھو ورما سمیت بڑی تعداد میں نوجوان موجود تھے۔

ہندوستھان سماچار

ہندوستان سماچار / انظر حسن