راورکیلا اسٹیل پلانٹ کی توسیع پر بات چیت

بھونیشور، 19 نومبر (ہ س):۔

مرکزی بھاری صنعت اور اسٹیل کے وزیر ایچ ڈی کمارسوامی نے بدھ کو لوک سیوا بھون میں اوڈیشہ کے وزیر اعلی موہن چرن ماجھی سے ملاقات کی۔ میٹنگ کے دوران راورکیلا اسٹیل پلانٹ (آر ایس پی) کی جدید کاری اور توسیع کے حوالے سے تفصیلی تبادلہ خیال کیا گیا۔ قبائلی امور کے مرکزی وزیر مملکت جوال اورم بھی موجود تھے۔

بتایا گیا کہ پلانٹ کی جدید کاری کا کام تیزی سے جاری ہے اور اب توسیع کے لیے درکار اراضی کے حصول کے عمل کو تیز کرنے کی ضرورت ہے۔وزیر اعلیٰ نے کہا کہ آر ایس پی کی توسیع ریاست کی اقتصادی ترقی اور روزگار کے مواقع پیدا کرنے کے لیے بہت ضروری ہے۔ انہوں نے واضح کیا کہ مقامی لوگوں کے تحفظات کو دور کرنے اور ان کی رضامندی کے بعد ہی زمین کا حصول کیا جائے گا۔

اجلاس میں فیصلہ کیا گیا کہ ایڈیشنل چیف سیکرٹری کی سربراہی میں ایک اعلیٰ سطحی کمیٹی تشکیل دی جائے گی۔ یہ کمیٹی مقامی لوگوں سے بات چیت کرے گی اور تمام مسائل کے حل کو یقینی بنائے گی۔

ہندوستھان سماچار

ہندوستان سماچار / عطاءاللہ