بچہ اپنے کمرے میں بند تھا، مدد کے لیے بالکونی میںآیا اور نیچے گر گیا

گروگرام، 16 نومبر (ہ س)۔

یہاں کی ایک سوسائٹی کی 22ویں منزل سے گر کر ایک بچے کی موت ہو گئی۔ حادثہ اس وقت پیش آیا جب وہ اپنے کمرے میں بند تھا۔ وہ باہر نکلنے کے لیے بالکونی میں چلا گیا۔ وہ نیچے دیکھ رہا تھا کہ توازن کھو کر گر پڑا۔ اس سے کچھ دیر قبل بچہ ملازمہ کے ساتھ کھیلنے کے بعد فلیٹ میں واپس آیا تھا۔ پولیس کے ترجمان سندیپ کمار نے اتوار کو بتایا کہ بچے کی لاش کو پوسٹ مارٹم کے لیے بھیج دیا گیا ہے۔ پولیس واقعے کی تحقیقات کر رہی ہے۔

معلومات کے مطابق سیکٹر 62 میں واقع پائنیر پریسیڈیا سوسائٹی سیکٹر 65 تھانے کے دائرہ اختیار میں آتی ہے۔ پانچ سالہ لڑکا ملازمہ کے ساتھ کھیلنے کے بعد 22ویں منزل پر اپنے گھر واپس جا رہا تھا۔ لفٹ سے باہر نکلنے کے بعد بچہ فلیٹ میں بھاگا۔ اسی دوران ملازمہ کو باہر چھوڑ کر فلیٹ کا مین گیٹ اندر سے بند ہوگیا۔ خود کو اکیلا پا کر بچہ باہر نکلنے کی کوشش میں ادھر ادھر بھاگنے لگا۔ وہ مدد کے لیے بالکونی میں چلا گیا۔ وہاں وہ کپڑے خشک کرنے کے لیے استعمال ہونے والی چھڑی پر چڑھ گیا اور چیخنے لگا۔ وہ اپنا توازن کھو بیٹھا اور 22ویں منزل سے گر کر دردناک موت واقع ہو گئی۔ بچے کو گرتے دیکھ کر لوگوں نے اسے نجی اسپتال پہنچایا۔ ڈاکٹروں نے اسے مردہ قرار دے دیا۔ بچے کی شناخت رودر تیج سنگھ ولد پرکاش چندر کے طور پر ہوئی ہے۔ اس کے والد ایک بلڈر ہیں اور اس کی ماں ڈاکٹر ہے۔ وہ اصل میں دھروہرہ کے رہنے والے ہیں اور کئی سالوں سے ایک ہی سوسائٹی میں رہ رہے ہیں۔

ہندوستھان سماچار

ہندوستان سماچار / عطاءاللہ