ترون چغ نے وزیر اعلی عمر عبداللہ پر ایک بھی وعدہ پورا نہ کرپانے کا الزام عائد کر طنز کیاسرینگر، 09 اکتوبر (ہ س)۔ بھارتیہ جنتا پارٹی (بی جے پی) کے قومی جنرل سکریٹری اور جموں و کشمیر کے انچارج ترون چغ نے جمعرات کو جموں و کشمیر کے وزیر اعلیٰ عمر عبداللہ پر تنقید کرتے ہوئے کہا کہ ایک سال مکمل ہونے کے باوجود، ان کی حکومت عوام سے کیا گیا ایک بھی وعدہ پورا کرنے میں ناکام رہی ہے۔ ترون چغ نے کہا کہ جموں و کشمیر کے لوگ حکومت سے جوابدہی کا مطالبہ کرتے ہیں، کیونکہ انتخابات کے دوران کیے گئے وعدوں میں سے کسی کو بھی پورا نہیں کیا گیا۔ انہوں نے کہا کہ ایک سال مکمل ہونے کو ہے اور جموں و کشمیر کے لوگ حساب مانگتے ہیں۔ انہوں نے کہا، ’’ان کے کام کا وقت 20 فیصد ختم ہو چکا ہے، ابھی تک ایک بھی وعدہ پورا نہیں ہوا۔ انہوں نے نیشنل کانفرنس پر الزام لگایا کہ وہ حقیقی حکمرانی پر توجہ دینے کے بجائے سیاسی سیاحت میں ملوث ہے۔ انہوں نے کہا کہ این سی اقتدار کے نام پر سیاحت کر رہی ہے۔ انہیں جموں و کشمیر کی سیاحت کی کوئی پرواہ نہیں، وہ صرف اپنی سیاسی سیاحت کو فروغ دینا چاہتے ہیں۔ پی ڈی پی سربراہ محبوبہ مفتی کے تبصرے پر کہ پارٹی اینٹی بلڈوزر بل لائے گی، انہوں نے کہا کہ این سی اور پی ڈی پی دونوں ہی عوام کی فلاح و بہبود کے بجائے صرف سہولت کی سیاست میں دلچسپی رکھتے ہیں۔ چغ نے یہ بھی کہا کہ ہر الیکشن جمہوریت کو مضبوط کرتا ہے کیونکہ یہ لوگوں کو زندہ رکھتا ہے۔ راجیہ سبھا کی چار سیٹوں کے لیے آنے والے ضمنی انتخابات میں، بھارتیہ جنتا پارٹی پوری طاقت کے ساتھ لڑے گی۔ بی جے پی کسی باپ یا بیٹے کی پارٹی نہیں ہے، بلکہ نظریات سے چلنے والے کارکنوں کی پارٹی ہے۔ہندوستھان سماچار

ہندوستان سماچار / Aftab Ahmad Mir