چلتی اسکول بس میں اچانک دھواں نکلنے سے سنسنیحیدرآباد، 9 اکتوبر (ہ س)۔ تلنگانہ کے سکندرآباد کنٹونمنٹ میں چلتی جمعرات کے روز اسکول بس سے دھواں نکلنے لگا جس سے سنسنی پھیل گئی۔ اسکول بس میں 25 طلبہ سوار تھے۔ اس کے انجن سے دھواں نکلنے کی وجہ سے طلبہ گھبرا گئے۔ یہ واقعہ اس وقت پیش آیا جب بس مہندرا ہلز کی جانب جارہی تھی۔ بس کے ڈرائیور نے انجن سے کثیف دھواں نکلتا دیکھا اور فوراً طلبہ کی حفاظت کے لئے دروازے کھول دیئے۔ ڈیوٹی پر موجود فوجیوں نے آتش فرو آلات کا استعمال کر کے دھویں کو قابو میں کیا، جبکہ راستے سے گزرنے والے افراد بچوں کی مدد کے لئے آگے آئے۔ پولیس نے بتایا کہ تمام طلبہ محفوظ ہیں اور انہیں دوسری اسکول بس میں منتقل کردیا گیا ہے۔ ڈرائیور یاطلبہ میں سے کسی کو بھی نقصان نہیں پہنچا۔ اس دوران اس سڑک پر کچھ منٹ کے لئے ٹریفک رک گئی۔ اس واقعہ کے وقت وہاں سے گزرنے والوں نے اس منظرکو اپنے کیمروں میں قید کرلیا جو دیکھتے ہی دیکھتے سوشیل میڈیا پروائرل ہوگئے۔

ہندوستھان سماچار

ہندوستان سماچار / محمدعبدالخالق