سرینگر، 09 اکتوبر (ہ س):۔ جموں و کشمیر حکومت نے پولیس انتظامیہ میں ایک اہم ردوبدل کا حکم دیا، انتظامیہ کے مفاد میں سات آئی پی ایس اور 14 جے کے پی ایس افسران کے تبادلے اور تقرری کی۔ ہوم ڈپارٹمنٹ کی طرف سے جاری کردہ آرڈر نمبر 484-ہوم آف 2025 کے تحت ایک آرڈر کے مطابق عبدالغنی میر، آئی پی ایس پوسٹنگ کے احکامات کے منتظر، کو کمانڈنٹ جنرل، ہوم گارڈز، سول ڈیفنس کے عہدے پر تعینات کیا گیا ہے۔ دیگر اہم تبادلوں میں، محمدیاسین کچلو، آئی پی ایس کو ایس ایس پی سی آئی سی ای جموں سے تبدیل کرکے پرنسپل ایس ٹی سی تلوارہ تعینات کیا گیا ہے، جبکہ شوبھت سکسینہ، آئی پی ایس ایس ایس پی کٹھوعہ کو ایس ایس پی سیکیورٹی، جموں و کشمیر تعینات کیا گیا ہے۔ وہیں تنوشری، آئی پی ایس جو کہ ایس پی ایس آئی اے ہیڈکوارٹر کے طور پر خدمات انجام دے رہی ہیں، کو پی ڈی نتیا کی جگہ ایس ایس پی پلوامہ کے طور پر تعینات کیا گیا ہے۔ جبکہ ساحل سرنگل، آئی پی ایس کو مشتاق احمد چودھری کی جگہ ایس ایس پی ہندواڑہ تعینات کیا گیا ہے۔ جبکہ موہتا شرما، آئی پی ایس کو ایس ایس پی کٹھوعہ کے طور پر تعینات کیا گیا ہے۔ اس دوران عنایت علی چودھری کو ایس ایس پی کولگام تعینات کیا گیا ہے ۔وہیں جے کے پی ایس کیڈر میں کئی افسران کا تبادلہ کیا گیا ہے جن میں محمد عارف ریشو کو ڈائریکٹر سی ٹی سی لیتھ پورہ، بینم توش کو ڈپٹی ڈائریکٹر ایس کے پی اے ادھم پور اور ہرمیت سنگھ مہتا کو کمانڈنٹ 13 آئی آر تعینات کیا گیا ہے۔دیگر قابل ذکر تبادلوں میں جاوید اقبال کو اے آئی جی سی ٹی اینڈ انٹیلی جنس، محمد فیصل قریشی کو ایس ایس پی ای ڈبلیو جموں، رمنیش گپتا کو ایس ایس پی سی آئی سی ای جموں، اعجاز احمد زرگر کو ایس ایس پی بانڈی پورہ، اور مشتاق احمد چودھری کو ایس ایس پی شوپیاں تعینات کیا گیا ہے ۔ مزید برآں، کئی منتظر افسران جن میں عاشق حسین ٹاک، اویس رشید، سرفراز بشیر گنائی، غلام مصطفی بھٹ، شہزادہ کبیر مٹو، اور آشیش گپتا کو آئی آر پی اور جے کے اے پی یونٹوں میں بٹالین کی مختلف پوسٹوں پر تعینات کیا گیا ہے۔حکومت کے آئی اے ایس پرنسپل سکریٹری چندرکر بھارتی کے دستخط شدہ حکم نامے میں کہا گیا ہے کہ تبادلے اور تعیناتیاں فوری طور پر نافذ العمل ہوں گی۔ہندوستھان سماچار

ہندوستان سماچار / Aftab Ahmad Mir