ایم آئی ایم بہار میں 30 سیٹوں پر الیکشن لڑ رہی ہے، جوبلی ہلز سے گریز کیوں : بی جے پی ایم پیحیدرآباد، 9 اکتوبر (ہ س)۔ بی جے پی کے رکن پارلیمنٹ راگھونندن راؤ نے الزام لگایا ہے کہ کانگریس اور اے آئی ایم آئی ایم ایک ہی سکے کے دو رخ ہیں۔ انہوں نے دعویٰ کیا کہ دونوں کے درمیان اندرونی معاہدہ ہے۔ یہی وجہ ہے کہ اے آئی ایم آئی ایم جوبلی ہلز ضمنی انتخاب نہیں لڑ رہی ہے۔ تلنگانہ بی جے پی کے دفتر میں ایک پریس کانفرنس سے خطاب کرتے ہوئے، راگھونندن راؤ نے سوال کیا کہ اے آئی ایم آئی ایم، جس نے گزشتہ تلنگانہ اسمبلی انتخابات میں نو نشستوں پر مقابلہ کیا تھا اور بہار کے آئندہ انتخابات میں 30 نشستوں پر مقابلہ کرنے کا ارادہ رکھتی ہے، حیدرآباد کے اندر ایک حلقہ جوبلی ہلز میں مقابلہ کرنے سے کیوں گریز کر رہی ہے۔ انہوں نے کانگریس حکومت پر عجلت میں جوبلی ہلز حلقہ میں قبرستانوں کی اجازت دینے کا الزام لگایا۔ان کے مطابق، یہ کانگریس اور اے آئی ایم آئی ایم کے درمیان بعض سیٹوں پر براہ راست انتخابی مقابلے سے بچنے کے لیے سمجھوتہ کی عکاسی کرتا ہے۔ راگھونندن راؤ نے اس بات پر بھی روشنی ڈالی کہ تین طلاق کے خاتمے کے ذریعے بی جے پی حکومت مسلم خواتین کی حمایت میں مضبوطی سے کھڑی ہے۔انہوں نے دعویٰ کیا کہ پارٹی کے اس اقدام کا مقصد مسلم کمیونٹی میں خواتین کے حقوق اور وقار کا تحفظ کرناہے۔ہندوستھان سماچار

ہندوستان سماچار / محمدعبدالخالق