نئی دہلی، 30 اکتوبر (ہ س)۔ مرکزی خزانہ اور کارپوریٹ امور کی وزیر نرملا سیتا رمن 30 اکتوبر سے 2 نومبر تک بھوٹان کے سرکاری دورے پر ہیں۔ وہ اقتصادی امور کے محکمے کے ہندوستانی وفد کی قیادت کر رہی ہیں۔

وزارت خزانہ کے مطابق، دورے کے دوران سیتا رمن حکومت ہند کے تعاون سے نافذ کیے جانے والے کئی اہم پروجیکٹوں کا دورہ کریں گی اور ان کا معائنہ کریں گی۔ ان میں کوریچو ہائیڈرو الیکٹرک پلانٹ ڈیم اور پاور ہاو¿س، گیال سنگ اکیڈمی، سانگچین چوکھور مٹھ اور پناکھا دزونگ شامل ہیں۔

وزیر خزانہ سیتا رمن بھوٹان کے راجہ جگمے کھیسر نامگیال وانگچک اور وزیر اعظم داشو شیرنگ توبگے سے ملاقات کریں گی۔ وہ بھوٹان کے وزیر خزانہ لیکے دورجی کے ساتھ ایک دو طرفہ میٹنگ بھی کریں گی تاکہ ہندوستان بھوٹان اقتصادی اور مالی تعاون کو مزید مضبوط کرنے کے مواقع پر تبادلہ خیال کیا جا سکے۔

سرکاری پروگرام کے تحت سیتا رمن کلیدی ترقیاتی اقدامات پر پر پیشکش میں شرکت کریں گی۔ وہ ایک بہت چھوٹے اور چھوٹے پیمانے کی صنعتوں کے بازار کا بھی دورہ کریں گی، جہاں وہ انڈیا کے یونیفائیڈ پیمنٹس انٹرفیس (یو پی آئی) کا استعمال کرتے ہوئے کیے جانے والے لین دین کا مشاہدہ کریں گی۔

اپنے سرکاری دورے کے آخری مرحلے میں، سیتا رمن بھوٹان کے دوسرے سب سے قدیم اور دوسرے سب سے بڑے زنگ پوناکھا زونگ کا دورہ کریں گی ۔ پوناکھا زونگ کے راستے میں، سیتا رمن بھوٹانی کسانوں کے ساتھ بھی بات چیت کریں گی اور ان کے زرعی طریقوں، چیلنجوں اور مواقع کو سمجھیں گی۔

ہندوستھان سماچار

ہندوستان سماچار / محمد شہزاد