بہار اسمبلی انتخابات : پہلے مرحلہ کے 1,314 امیدواروں میں سے 27 فیصد سنگین مجرمانہ مقدمات میں شاملپٹنہ، 29 اکتوبر (ہ س)۔ بہار اسمبلی انتخابات 2025 میں دو مرحلوں میں ووٹنگ ہونی ہے۔ 6 نومبر کو پہلے مرحلہ اور 11 نومبر کو دوسرے مرحلے کا انتخاب ہوگا۔ پہلے مرحلے میں حصہ لینے والے 1,314 امیدواروں میں سے 27 فیصد پر سنگین مجرمانہ مقدمات کا الزام ہے، جن میں قتل، قتل کی کوشش، عصمت دری اور خواتین کے خلاف مظالم شامل ہیں۔ایسوسی ایشن فار ڈیموکریٹک ریفارم (اے ڈی آر) اور بہار الیکشن واچ کی ایک رپورٹ کے مطابق 1,303 امیدواروں کے انتخابی حلف ناموں کی بنیاد پر 423 (32 فیصد) نے فوجداری مقدمات کا اعلان کیا ہے، جب کہ 354 (27 فیصد) سنگین مجرمانہ الزامات کا سامنا کر رہے ہیں۔ ان میں سے 33 امیدواروں کو قتل کے الزامات، 86 کو قتل کی کوشش کے الزامات اور 42 کو خواتین کے خلاف جرائم کا معاملہ ہے۔ تمام سی پی ایم امیدواروں (100 فیصد) کو سنگین الزامات کا سامنا ہے، اس کے بعد سی پی آئی (80 فیصد)، سی پی آئی (ایم ایل) (64 فیصد)، آر جے ڈی (60 فیصد) اور بی جے پی (56 فیصد) ہیں۔ کانگریس کا بھی برا حال ہے، اس کے 52 فیصد امیدواروں کو سنگین الزامات میں ملوث ہیں۔ ہندوستھان سماچار

ہندوستان سماچار / Mohammad Afzal Hassan