پٹنہ، 28 اکتوبر (ہ س)۔ لوک جن شکتی پارٹی (رام ولاس) (ایل جے پی-آر) کے قومی صدر اور مرکزی وزیر چراغ پاسوان نے بہار اسمبلی انتخابات میں نیشنل ڈیموکریٹک الائنس (این ڈی اے) کی جیت کا دعویٰ کیا ہے۔ انہوں نے یہ بھی واضح کیا کہ نتیش کمار ہی بہار کے اگلے وزیر اعلیٰ ہوں گے۔

پٹنہ میں صحافیوں سے بات کرتے ہوئے انہوں نے کہا کہ جب انتخابات نتیش کمار کی قیادت میں لڑے جا رہے ہیں تو کوئی دوسرا وزیر اعلیٰ کیسے بن سکتا ہے۔ نامہ نگاروں کے سوالوں کے جواب میں مرکزی وزیر داخلہ امت شاہ کے بیانات کی تائید کرتے ہوئے انہوں نے کہا کہ امت شاہ نے صرف ایک عمل کا خاکہ پیش کیا تھا، یہ کہتے ہوئے کہ نتیش کمار کو وزیر اعلیٰ منتخب کیا جائے گا۔ یہاں پانچ پارٹیاں ہیںاور ہر پارٹی کے ایم ایل اے نتیش کمار کو وزیر اعلیٰ منتخب کرنے کے لیے کام کریں گے۔ بہار میں ڈبل انجن والی حکومت بننے جا رہی ہے۔

وکاس سیل انسان پارٹی (وی آئی پی) کے سربراہ مکیش سہنی کے بارے میں انہوں نے کہا، سہنی صاحب آج بہت خوش ہیں کہ عظیم اتحاد نے انہیں نائب وزیر اعلیٰ قرار دیا ہے۔ لیکن میں کہتا ہوں کہ ان کی برادری دیکھ رہی ہے کہ انہیں اس کے لیے کتنی التجا کرنی پڑی۔ یہ لوگ چاہتے توپہلےہی جب راہل گاندھی بہار آئے ہوئے تھے تبھی اس بات کا اعلان کر دیتے ۔ لیکن ان کی نیت ہی نہیں تھی کہ مکیش سہنی کو نائب وزیر اعلیٰ امیدوار بنائیں۔

جن سوراج کے لیڈر پرشانت کشور کےذریعہ دو ووٹر شناختی کارڈ ہونے کے دعوے کے بارے میں چراغ پاسوان نے کہا کہ یہ بالکل غلط ہے۔ انہوں نے کہا کہ آپ بہت باشعور انسان ہیں، آپ لوگوں کو الیکشن جیتنے میں مدد کرتے ہیں، آپ انتخابی حکمت عملی ساز ہیں، اس کے باوجود اگر آپ نے ایسی غلطی کی ہے تو یہ یقیناً مناسب نہیں ہے۔

چراغ نے کہا کہ جو لوگ شیشے کے گھروں میں رہتے ہیں وہ دوسروں پر پتھر نہیں پھینکتے۔ وہ باشعور ہے،اس کے باوجود دو ۔ دو جگہ سے ووٹر کارڈ بنا رکھے ہیں یہ کہیں سے بھی مناسب نہیں ہے۔

عظیم اتحاد کے جن نائن کا خطاب کرنے والوں پر چراغ پاسوان نے کہا کہ جن نائب کا خطاب کرنا حاصل کرنے کا اتنا ہی شوق ہے تو وہی کام کریں ، کیا آپ نے ایسے کام کیے ہیں کہ آپ کو جن نائک کا خطاب ملے؟ تیجسوی یادو پر حملہ کرتے ہوئے چراغ نے کہا کہ آپ کے خاندان کے دو افراد بہار کے وزیر اعلیٰ بن گئے۔ انہیں یہ خطاب اس لیے نہیں دیا گیا کہ جنگل راج ان سے وابستہ تھا، انہیں جنگل راج کا خطاب ملا۔ عوام خطاب دیتی ہے۔ اسے خود لینا ممکن نہیں ہے لیکن یہ لوگ جن نائک کا خطاب لینے میں مصروف ہیں، وہیں ان کی اپنی پارٹی کے اندر اس کی شدید مخالفت ہے۔

ہندوستھان سماچار

ہندوستان سماچار / Mohammad Afzal Hassan