تھانے میں ڈاکٹر سمپدا منڈے کی موت پر ڈاکٹروں کا سیاہ پٹیاں باندھ کر احتجاج

تھانے

، 27 اکتوبر(ہ س)۔ ڈاکٹر سمپدا

منڈے کی مشتبہ موت سے مہاراشٹر میں طبی برادری اس وقت شدید غم و غصے

میں ہے۔ اس کے خلاف تھانے سول اسپتال کے ڈاکٹروں نے پیر کے روز اپنی بازوؤں پر سیاہ پٹیاں باندھ کر احتجاج درج کرایا۔ یہ

مظاہرہ ریاست بھر میں بڑھتے غم، بے بسی اور انصاف کے مطالبے کی گونج بن گیا۔

ڈاکٹر

منڈے، جو پھلٹن کے سب ڈسٹرکٹ اسپتال ستارہ میں تعینات تھیں، پراسرار حالات میں

مردہ پائی گئیں۔ ان کی موت نے ریاست بھر کے ڈاکٹروں کو ہلا کر رکھ دیا ہے۔ تھانے

سول اسپتال کے عملے نے معمول کے فرائض انجام دیتے ہوئے خاموش احتجاج کیا۔ اس سے اسپتال

کے ماحول میں افسردگی اور غم کی لہر دوڑ گئی۔

مہاراشٹر

اسٹیٹ گزیٹیڈ میڈیکل آفیسرز گروپ-اے ایسوسی ایشن نے اس سانحے پر سخت ردعمل ظاہر

کرتے ہوئے ریاست گیر احتجاج کا اعلان کیا ہے۔ تنظیم کے رہنماؤں نے کہا کہ یہ

معاملہ ایک فرد کی موت سے بڑھ کر پورے طبی نظام کی ساکھ اور تحفظ کا مسئلہ ہے۔

انہوں نے افسوس ظاہر کرتے ہوئے کہا کہ ’’جن کے ہاتھ دوسروں کو زندگی دیتے ہیں، وہ

خود اپنی زندگی کے تحفظ کے لیے انصاف کے منتظر ہیں۔‘‘

ایسوسی

ایشن نے حکومت سے مطالبہ کیا ہے کہ اس معاملے میں ملوث شخص کے خلاف بی ایس این کی

دفعات 306 (خودکشی کی ترغیب) اور 376 (ریپ) کے تحت فوری مقدمہ درج کیا جائے اور ایک

خصوصی تحقیقاتی ٹیم (ایس آئی ٹی) تشکیل دی جائے تاکہ تفتیش منصفانہ انداز میں آگے

بڑھ سکے۔

ڈاکٹروں

نے حکومت کو دس دن کی مہلت دیتے ہوئے کہا کہ اگر کارروائی میں تاخیر ہوئی تو ریاست

گیر سطح پر احتجاجی تحریک شروع کی جائے گی، جس میں آؤٹ پیشنٹ ڈپارٹمنٹ (او پی ڈی)

کی خدمات بند کرنے کا بھی فیصلہ شامل ہوگا۔ تھانے برانچ نے اسے ’’مہاراشٹر کے طبی

شعبے کے لیے ایک سیاہ دن‘‘ قرار دیا۔

ہندوستھان

سماچار

--------------------

ہندوستان سماچار / جاوید این اے