وارانسی، 19 اکتوبر (ہ س)۔ اترپردیش میں وارانسی ضلع کے شیو پور تھانہ علاقے میں گیلٹ بازار بائی پاس کے قریب اتوار کو ایک تیز رفتار نامعلوم گاڑی نے اسکوٹر پر سوار ایک نوجوان کو ٹکر مار دی۔ نوجوان کی موقع پر ہی افسوسناک موت ہو گئی۔

واقعے کے بعد لوگ جائے وقوعہ پر جمع ہوگئے۔ شیو پور پولیس اطلاع ملنے پر جائے وقوعہ پر پہنچی اور متوفی کی شناخت اندرا پور، شیو پور کے رہنے والے یوگیش موریہ کے طور پر کی۔ حادثے کی اطلاع ملتے ہی لواحقین بھی جائے وقوعہ پر پہنچ گئے۔

نوجوان کی موت سے مشتعل مقامی لوگوں نے سڑک بلاک کرنے کی کوشش کی اور فرار ہونے والے ڈرائیور کی فوری گرفتاری کا مطالبہ کرتے ہوئے احتجاج کیا۔ حالات کو بگڑتے دیکھ کر پولیس نے بھیڑ کو پرسکون کرکے حالات کو قابو میں کیا۔

شیو پور پولیس اسٹیشن انچارج نے بتایا کہ لاش کو پوسٹ مارٹم کے لیے بھیج دیا گیا ہے۔ جائے حادثہ کے آس پاس کے علاقے کی سی سی ٹی وی فوٹیج کی جانچ کی جا رہی ہے تاکہ ملوث نامعلوم گاڑی کی شناخت کی جا سکے۔ پولیس معاملے کی تحقیقات کر رہی ہے۔

---------------

ہندوستان سماچار / عبدالسلام صدیقی