بلودا بازار، 19 اکتوبر (ہ س)۔

چھتیس گڑھ کی حکومت کے ذریعہ زچہ و بچہ کی مرنے کی شرح کم کرنے کے مقصد سے انتہائی اہم منصوبہ کے تحت ایمر جنسی سروس کے لئے 102مہتاری ایکسپریس ایمبولینس چلا رہی ہے ۔ گھریلو استعمال کے لیے 102 مہتاری ایکسپریس استعمال کرنے والے ڈرائیور کے خلاف سخت کارروائی کرتے ہوئے اس کی سروس ختم کر دی گئی ہے۔

موصولہ اطلاع کے مطابق 15 اکتوبر 2025 کو 102 مہتاری ایکسپریس ایمبولینس ڈرائیور نیلیش ساہو کمیونٹی ہیلتھ سینٹر، کسڈول میں ڈیوٹی پر تھا۔ عوامی نمائندوں اور میڈیا نے بتایا ہے کہ گاڑی گھریلو استعمال کے لیے استعمال کی جا رہی تھی۔ سیمنٹ کے تھیلے لوڈ کیے جانے کی ویڈیو وائرل ہوگئی۔ بلاک میڈیکل آفیسر، کسڈول نے اس عمل کو ہنگامی خدمات میں سراسر غفلت سمجھا اور 102 مہتاری ایکسپریس کے مینیجر کو ایک خط بھیجا، جس میں ڈرائیور کے خلاف فوری کارروائی کا مطالبہ کیا۔ معاملے کو سنجیدگی سے لیتے ہوئے 102 مہتاری ایکسپریس ایمبولینس کے اسٹیٹ آفس منیجر نے ڈرائیور نیلیش ساہو کو فوری طور پر اس کی ڈیوٹی سے فارغ کردیا اور اس کی خدمات کو ختم کردیا۔

ہندوستھان سماچار

ہندوستان سماچار / عطاءاللہ