نالندہ، 19 اکتوبر(ہ س)۔ ضلع میں راجگیر ریلوے اسٹیشن میں اتوار کی صبح راجگیر ریلوے تھانہ نے غیر قانونی شراب کی اسمگلنگ کرنے والے ایک اسمگلر کو گرفتار کیا اور اسے ڈویژنل جیل، بہار شریف بھیج دیا۔بتایا جاتا ہے کہ محکمہ ایکسائز کی ٹیم کو خفیہ اطلاع ملی کہ راجگیر پسنجر میمو ٹرین میں شراب کی ایک کھیپ لے جائی جا رہی ہے۔ اس کے بعد راجگیر ریلوے تھانہ کے تعاون سے کارروائی کی گئی۔تین خواتین سمیت پانچ افراد ٹرین سے بڑے ڈبے لے کر راجگیر ریلوے اسٹیشن کے پلیٹ فارم پر اترے۔ ٹیم نے کارٹنوں کی تلاشی لی۔ شراب کی کھیپ چوڑیوں اور کھلونوں کے نیچے چھپائی گئی تھی۔ ٹیم نے شراب قبضے میں لے کر تمام ملوث افراد کو گرفتار کر لیا۔ ریلوے تھانہ افسرنے بتایا کہ اسمگلر کوچ نمبر 258458 میں کھیپ لائے تھے۔ کارٹنوں سے کل 102.375 لیٹر شراب برآمد ہوئی۔ گرفتار اسمگلروں میں نوادہ ضلع کے ناردی گنج تھانہ علاقہ کے رہنے والے گورو کمار، بڑگاؤں کی رہنے والی لولی دیوی، لالو دیوی، اوشا دیوی اور پچھواڑا کے رہنے والے رام پرویش کمار شامل ہیں۔ ایکسائز سپرنٹنڈنٹ نے بتایا کہ شراب ایک خفیہ اطلاع پر برآمد کی گئی۔ چھاپہ ایکسائز تھانہ انچارج منا کمار کی قیادت میں چھاپہ ماری کی گئی۔ اس ٹیم میں انسپکٹر شویتا سنہا، پرینکا کماری، کانسٹیبل امریش کمار اور دیگر سیکورٹی اہلکار شامل تھے۔ اسی طرح دیپ نگر تھانہ علاقہ کے تحت رانا بیگھا گاؤں میں چھاپہ مار ی کر 29.975 لیٹر انگریزی شراب برآمد کی گئی اور اسمگلر مہندر پرساد کو گرفتار کیا گیا۔ ایک اور سمگلر وکرم کمار فرار ہونے میں کامیاب ہو گیا۔ شراب برآمد ہونے کے بعد ملزم کے گھر کا ایک کمرہ سیل کر دیا گیا ہے۔ہندوستھان سماچار

ہندوستان سماچار / Mohammad Afzal Hassan