دہرادون، 19 اکتوبر (ہ س) ۔

دہرادون کے دلان والا تھانہ علاقے کے آراگھر ٹی جنکشن پر آج صبح ایک بڑا واقعہ اس وقت پیش آیا جب ایک تیز رفتار تھار نے گاڑیوں کی چیکنگ کے لیے تعینات پولیس اہلکاروں کو ٹکر مار دی۔ تین پولیس اہلکار شدید زخمی ہو گئے۔

یہ واقعہ تقریباً 3:45 بجے پیش آیا۔ حادثے کے فوری بعد زخمی اہلکاروں کو 108 ایمبولینس کے ذریعے ابتدائی طبی امداد کے لیے قریبی اسپتال منتقل کیا گیا جہاں سے انہیں مزید علاج کے لیے سنرجی اسپتال ریفر کردیا گیا۔

واقعہ کی اطلاع ملنے پر، سینئر سپرنٹنڈنٹ آف پولیس اجے سنگھ نے ذاتی طور پرسنرجی اسپتال کا دورہ کیا۔ انہوں نے ڈاکٹروں سے ملاقات کی، زیر علاج پولیس اہلکاروں کی خیریت دریافت کی اور متعلقہ حکام کو ہدایت کی کہ ان کے علاج میں کسی قسم کی کوتاہی نہ برتی جائے۔

پولیس نے بتایا کہ واقعہ میں ملوث ملزم ڈرائیور کی شناخت محمد عمر عرف طاہر (36 سال) ولد محمد رئیس ساکن 1 ای سی روڈ، دلان والا پولیس اسٹیشن، دہرادون کے طور پر کی گئی ہے۔ اسے گرفتار کر لیا گیا ہے، اور اس کی مہندرا تھار کو ضبط کر لیا گیا ہے۔

ایس ایس پی اجے سنگھ نے واقعہ کو انتہائی سنگین سمجھتے ہوئے ملزم کے خلاف سخت قانونی کارروائی کی ہدایت دی ہے۔ دلان والا پولیس نے متعلقہ دفعات کے تحت مقدمہ درج کر کے تفتیش شروع کر دی ہے۔تین زخمی پولیس اہلکاروں ہیڈ کانسٹیبل سوگن پال، کانسٹیبل سچن اور کانسٹیبل کملا پرساد کی حالت اب خطرے سے باہر اور مستحکم بتائی جاتی ہے۔

ہندوستھان سماچار

ہندوستان سماچار / عطاءاللہ