حیدرآباد ،18 ۔اکتوبر۔(ہ س)۔تلنگانہ میں مقامی بلدی اداروں میں بی سی طبقات کو 42 فیصد ریزرویشن کی فراہمی کے مطالبہ پرسیاسی جماعتوں اور پسماندہ طبقات کی مختلف تنظیموں پر مشتمل جوائنٹ ایکشن کمیٹی کے تلنگانہ بند کے موقع پر تلنگانہ جاگروتی تنظیم کی صدر کے کویتا آٹوز کی ریلی میں شریک ہوئیں۔انہوں نے اپنے ہاتھ میں پلے کارڈ تھام کراس بند کی حمایت کی۔اس پلے کارڈ میں لکھاتھا کہ جب تک بی سیز کیلئے 42فیصد ریزرویشن فراہم نہیں کیاجاتا، جدوجہد جاری رہے گی۔آٹوڈرائیورس کی جانب سے خیریت آبادچوراہے پر انسانی زنجیر کااہتمام کیاگیا۔اس احتجاج کے موقع پر آٹوز کی ریلی بھی نکالی گئی۔کویتا کی آٹومیں پہنچنے کی تصویر سوشل میڈیا پروائرل ہوگئی۔

ہندوستھان سماچار

ہندوستان سماچار / محمدعبدالخالق