بیڑ میں شیر کے حملے میں جاں بحق کسان کے گھر والوں کو 10 لاکھ روپے کی مالی مدد

بیڑ، 18 اکتوبر(ہ س)۔ بیڑ ضلع کے اشٹی تعلقہ کے باوی گاؤں میں شیر کے

حملے میں ہلاک ہونے والے کسان راجندر وشواناتھ گولہار (39) کے اہلِ خانہ کو حکومت

کی جانب سے دس لاکھ روپے کی فوری مالی امداد فراہم کی گئی ہے۔ گولہار کی لاش محکمہ

جنگلات کی ٹیم نے گاؤں والوں کے تعاون سے رات گئے برآمد کی تھی۔

اطلاع

ملنے پر ڈویژنل فاریسٹ آفیسر گرکل اور فاریسٹ انسپکٹر منڈے نے گاؤں میں فوری طور

پر سرچ آپریشن شروع کیا تھا۔ حادثے کے بعد مقامی ایم ایل اے سریش دھس نے وزیرِ

جنگلات گنیش نائک سے بات کر کے متاثرہ خاندان کی امداد کے لیے فوری کارروائی کی

درخواست کی۔ ابتدائی طور پر فنڈز کی قلت کے باعث دشواری پیش آئی، تاہم وزیرِ

جنگلات کی ہدایت پر محکمہ نے فوری امداد منظور کر دی۔

آج

آنجہانی گولہار کی اہلیہ کوشلیا گرجے کو دس لاکھ روپے کی رقم حوالے کی گئی، جبکہ

بقیہ پچاس لاکھ روپے کی فکسڈ ڈپازٹ اسکیم کے تحت آئندہ دو دنوں میں مزید پندرہ

لاکھ روپے (پانچ سال کے لیے) ان کے اکاؤنٹ میں منتقل کیے جائیں گے۔ ایم ایل

اے سریش دھس نے اس موقع پر کہا کہ اگرچہ کسی انسانی جان کی قیمت ادا نہیں کی جا

سکتی، تاہم حکومت کی جانب سے یہ مالی مدد غم زدہ خاندان کے لیے ایک سہارا بنے گی۔

انہوں نے وعدہ کیا کہ وہ ذاتی طور پر بھی اس خاندان کی ہر ممکن مدد جاری رکھیں گے۔

تقریب میں

ڈویژنل فاریسٹ آفیسر گرکل، فاریسٹ انسپکٹر منڈے، سابق اسپیکر لکشمن نانوارے،

نوناتھ گرجے اور باوی دریواڑی سمیت اطراف کے دیہات کے رہنے والے بڑی تعداد میں شریک

ہوئی۔

ہندوستھان

سماچار

--------------------

ہندوستان سماچار / جاوید این اے