لاتور

، 17 اکتوبر(ہ س)۔ لاتور

کے احمد پور علاقے میں ایک دلچسپ اور قابلِ تعریف واقعہ اس وقت پیش آیا جب ہوٹل کے

کوڑے دان سے ایک لاکھ روپے مالیت کی سونے کی انگوٹھی برآمد ہوئی اور اسے ایمانداری

کے ساتھ اصل گاہک کو واپس کر دیا گیا۔ ناندیڑ روڈ پر واقع ہوٹل میں دوپہر کے وقت

کھانے کے لیے آنے والے اکشے ریڈی اپنی قیمتی انگوٹھی وہیں بھول گئے تھے۔

گھر

پہنچنے پر جب انہیں احساس ہوا کہ انگوٹھی ہاتھ سے کہیں گم ہو گئی ہے تو انہوں نے

فوری طور پر ہوٹل کے مالک سے رابطہ کر کے واقعے کی اطلاع دی۔ اطلاع ملتے ہی ہوٹل

کے عملے نے پورے احاطے میں تلاش شروع کر دی۔ ابتدا میں کوئی سراغ نہ مل سکا، مگر

کچھ دیر بعد صفائی کے دوران ملازم راہول کسبے نے کوڑے میں وہ انگوٹھی دیکھ لی۔

راہول

نے بنا کسی تاخیر کے انگوٹھی ہوٹل انتظامیہ کے ذریعے متعلقہ گاہک تک پہنچا دی۔

سونے کی اس انگوٹھی کی قیمت تقریباً ایک لاکھ روپے بتائی گئی ہے۔ اپنی قیمتی متاع

واپس ملنے پر اکشے ریڈی نے ہوٹل عملے کی دیانت داری کی تعریف کرتے ہوئے شکریہ ادا

کیا

ہندوستھان

سماچار

--------------------

ہندوستان سماچار / جاوید این اے