نئی دہلی، 17 اکتوبر (ہ س)۔
دہلی یونیورسٹی نے جمعہ کو بی آر امبیڈکر کالج میں دہلی یونیورسٹی اسٹوڈنٹس یونین (ڈو سو) کی جوائنٹ سکریٹری دیپیکا جھا کے ذریعہ فیکلٹی ممبر پر جسمانی حملے کی تحقیقات کے لئے ایک انکوائری کمیٹی تشکیل دی۔
اس چھ رکنی کمیٹی کی سربراہی شعبہ زولوجی کی پروفیسر نیتا سہگل کریں گی۔ کمیٹی معاملے کی چھان بین کرے گی اور جلد از جلد حقائق پر مبنی رپورٹ پیش کرے گی۔
دہلی یونیورسٹی (ڈی یو) کے وائس چانسلر پروفیسر یوگیش سنگھ نے کمیٹی کو دو ہفتے کے اندر اپنی رپورٹ پیش کرنے کی ہدایت دی ہے۔ انہوں نے کہا کہ کمیٹی معاملے کی تحقیقات کرکے جلد رپورٹ پیش کرے تاکہ ذمہ داروں کے خلاف مناسب کارروائی کی جاسکے۔
اس کمیٹی میں پروفیسر نیتا سہگل اس کی چیئرپرسن اور پروفیسر جیوتی تریہن شرما، ڈی یو کے جوائنٹ پراکٹر، اس کے ممبر سکریٹری کے طور پر شامل ہیں۔ ہنس راج کالج کے پرنسپل پروفیسر (ڈاکٹر) راما، ماحولیات کے مطالعہ کی پروفیسر سواتی دیواکر، پی جی ڈی اے وی کالج کے پرنسپل پروفیسر درویندر کمار، اور جوائنٹ پراکٹر پروفیسر اودھیش کمار بھی ممبر ہیں۔
ہندوستھان سماچار
ہندوستان سماچار / عطاءاللہ
19 Oct 2025
