نئی دہلی، 4 ستمبر(ہ س)۔ مرکزی حکومت نے ای کامرس برآمدات کے قوانین میں تبدیلی کی ہے۔ اس تبدیلی کے بعد ہندوستان میں بنی اشیا کو بیرون ممالک میں برآمد کرنے کے لیے انوینٹری پر مبنی ای کامرس ماڈل پر کام کرنے کی اجازت دی گئی ہے۔ اس کے ساتھ ہی جولائی میں اعلان کردہ فیصلہ اب جمعہ سے نافذ العمل ہو گیا ہے۔

وزارت خزانہ کے اقتصادی امور کے محکمے نے براہ راست غیر ملکی سرمایہ کاری (ایف ڈی آئی) کے قوانین میں تبدیلیوں کا نوٹیفکیشن جاری کیا ہے۔ نوٹیفکیشن کے مطابق محکمہ نے براہ راست غیر ملکی سرمایہ کاری (ایف ڈی آئی آئی) کے قوانین میں ترمیم کی ہے تاکہ غیر ملکی سرمایہ کاری والی ای کامرس کمپنیوں کو صرف ہندوستان میں بنی اشیا کی برآمد کے لیے انوینٹری اسٹاک رکھنے کی اجازت دی جا سکے۔وزارت خزانہ کے مطابق اس کے تحت ای کامرس کمپنیوں کو صرف برآمد کے مقصد سے ہندوستان میں تیار یا تیار کردہ اشیاءکو ذخیرہ کرنے کی اجازت ہوگی۔ قواعد کے مطابق، غیر ملکی سرمایہ کاری والی ای کامرس کمپنیاں اب ہندوستان میں بنی اشیاءبرآمد کر سکتی ہیں لیکن انہیں ہندوستان میں اس کی خوردہ فروخت کرنے کی اجازت نہیں ہے۔وزارت نے کہا کہ محکمہ نے 2 ستمبر کو جاری کردہ ایک نوٹیفکیشن میں فارن ایکسچینج مینجمنٹ (نان ڈیٹ انسٹرومینٹس) رولز 2019 میں اس سلسلے میں ایک شق شامل کی ہے۔ نئی شق کے مطابق، ای کامرس ادارہ صرف ہندوستان میں تیار کردہ سامان کی برآمد کے لیے انوینٹری پر مبنی ای کامرس ماڈل اپنا سکتا ہے جو کہ فارن ٹریڈ پالیسی، 2023، مینوئل آف پروسیجر اینڈ فارن ایکسچینج مینجمنٹ اینڈ ایکسپورٹ آف سروسز) ریگولیشنز، 2015 کی دفعات کے مطابق ہے۔

ہندوستھان سماچار

---------------

ہندوستان سماچار / عبدالسلام صدیقی