راج کوٹ، 27 ستمبر (ہ س)۔

گجرات کے راج کوٹ سے راجستھان کی طرف جا رہی ایک رینج روور کار آج علی الصبح بھارت مالا ہائی وے پر تھراڈ کے قریب ایک جانور کو بچانے کی کوشش میں ڈیوائیڈر سے ٹکرا گئی، جس کے نتیجے میں ایک شدید حادثہ پیش آیا۔ حادثے میں کار میں سوار تین نوجوانوں میں سے دو کی موقع پر ہی موت ہوگئی، جبکہ ایک نوجوان شدید زخمی ہوگیا۔

یہ حادثہ صبح تقریباً 4 بجے سے 4:15 بجے کے درمیان تھراد-ڈیسا ہائی وے پر مالپور کے قریب پیش آیا۔ گجرات نمبر کی رینج روور کار راجستھان کی طرف جا رہی تھی۔ اسی دوران ایک جانور کو بچانے کی کوشش میں کار ڈیوائیڈر سے ٹکرا گئی۔ ٹکر اتنی شدید تھی کہ کار کے ٹکڑے سڑک پر بکھر گئے اور حادثے میں ہلاک و زخمی ہونے والے افراد کے جسمانی اعضا بھی سڑک پر بکھرے ہوئے ملے۔

حادثے کی اطلاع ملتے ہی آس پاس کے لوگ موقع پر پہنچے اور 108 ایمبولینس کو اطلاع دی۔ ایمبولینس کی ٹیم تینوں نوجوانوں کو اسپتال لے گئی۔ طبی معائنے کے دوران امریلی کے رہنے والے دیوی جیت اور راج کوٹ کے رہنے والے یوراج سنگھ کو مردہ قرار دے دیا گیا۔ وہیں راج کوٹ کے رہنے والے ہردیپ سنگھ زندہ پائے گئے اور ان کا فوری علاج شروع کیا گیا۔ بعد میں ان کی حالت کو دیکھتے ہوئے مزید علاج کے لیے احمد آباد ریفر کر دیا گیا۔

ہندوستھان سماچار

ہندوستان سماچار / عطاءاللہ