نئی دہلی، 17 ستمبر(ہ س)۔ مرکزی حکومت نے جمعرات کو باضابطہ طور پر ملک گیر 'سوچھتا ہی سیوا' مہم 2026 کا آغاز کیا۔ صفائی اور عوامی شرکت کو فروغ دینے کے مقصد سے شروع کی گئی یہ مہم 2 اکتوبر تک چلائی جائے گی۔سماجی انصاف اور تفویض اختیارات کی مرکزی وزارت کے مطابق، سماجی انصاف اور تفویض اختیارات کے محکمے کے سکریٹری سدھانش پنت نے مہم کے افتتاح کے موقع پر تمام افسران اور عملے کو سوچھتا کا عہد دلایا۔ ہیڈکوارٹر کے ساتھ ساتھ محکمہ کے ماتحت دفاتر، ملک بھر میں واقع خود مختار اداروں اور تنظیموں میں افسران اور ملازمین نے اپنے اپنے کام کی جگہوں پر صفائی کا عہد لیا۔ اس میں ہر سال 100 گھنٹے کا شرمدان، گندگی پھیلانے کے خلاف عہد اور بیداری شامل ہے۔اس موقع پر اس بات پر زور دیا گیا کہ صاف ستھرے کام کی جگہوں، قصبوں، دیہاتوں اور ایک صاف ستھری قوم کی تعمیر کی بنیاد مستقل انفرادی کوششوں اور فعال کمیونٹی کی شرکت پر منحصر ہے۔

ہندوستھان سماچار

---------------

ہندوستان سماچار / عبدالسلام صدیقی