نئی دہلی، 17 ستمبر (ہ س)۔ وزیر اعظم نریندر مودی نے جمعرات کو وشوکرما جینتی کے موقع پر اہل وطن کو مبارکباد دی۔ انہوں نے تعمیراتی کاموں سے وابستہ ملک بھر کے کاریگروں اور ہنرمند افراد کو خصوصی طور پر خراجِ تحسین پیش کرتے ہوئے کہا کہ ان کی مہارت اور محنت ترقی یافتہ اور خود کفیل ہندوستان کے عزم کو عملی شکل دینے میں انتہائی اہم ہے۔

وزیر اعظم مودی نے سوشل میڈیا پلیٹ فارم ایکس پر پوسٹ کرتے ہوئے کہا کہ دیو شلپی بھگوان وشوکرما سے وابستہ اس مقدس موقع پر تعمیراتی کاموں میں مصروف ملک بھر کے کاریگروں اور ہنرمند ساتھیوں کو ان کی جانب سے خصوصی مبارکباد ہے۔ انہوں نے کہا کہ کاریگروں کی مہارت اور محنت ملک کی ترقی اور خود کفیل ہندوستان کی تعمیر میں اہم کردار ادا کرتی ہے۔

انہوں نے کہا کہ ملک کی ازسرنو تعمیر کی سمت میں کاریگروں اور ہنرمند ساتھیوں کی کوششوں کو ہر ممکن حوصلہ افزائی ملتی رہے، اس کے لیے حکومت پوری طرح پرعزم ہے۔

وزیر اعظم نے اپنے پیغام کے ساتھ بھگوان وشوکرما کی عظمت بیان کرنے والا ایک سُبھاشِت بھی شیئر کیا جس کا مطلب ہے کہ بھگوان وشوکرما ازل سے ہیں اور لامحدود ہیں۔ ان کی کوئی متعین شکل نہیں ہے اور وہ فتح و شکست سے ماورا ہیں۔ وہ پوری دنیا کی صورت اور جگت کے مالک کے طور پر موجود ہیں۔ ایسے بھگوان وشوکرما کو بار بار نمن ہے۔

ہندوستھان سماچار

---------------

ہندوستان سماچار / عبدالواحد