۔ جھارکھنڈ میں معمول سے چھ فیصد کم بارش، 21 ستمبر تک گرج چمک کے بارش اوربجلی گرنے کا ایلو الرٹ

رانچی، 17 ستمبر (ہ س)۔ جھارکھنڈ کے دارالحکومت رانچی میں اس مانسون سیزن کے دوران بارش کا کوٹہ پورا ہو گیا ہے۔ رانچی میں یکم جون سے 17 ستمبر تک 1207.9 ملی میٹر بارش درج کی گئی ہے۔ محکمہ موسمیات نے جمعرات کو یہ اطلاع دی۔

محکمہ موسمیات کے اعداد و شمار کے مطابق پورے جھارکھنڈ میں اب تک 878.6 ملی میٹر بارش ریکارڈ کی گئی ہے، جبکہ اس مدت کے دوران معمول کی بارش 935.3 ملی میٹر ہونی چاہیے تھی۔ اس طرح ریاست میں اب تک معمول سے چھ فیصد کم بارش ہوئی ہے۔

محکمہ موسمیات نے 21 ستمبر تک ریاست کے مختلف علاقوں میں گرج چمک کے ساتھ بارش اور آسمانی بجلی گرنے کا امکان ظاہر کیا ہے۔ اس سلسلے میں محکمہ نے ایلو الرٹ جاری کیا ہے۔ لوگوں سے موسم خراب ہونے کے دوران احتیاط برتنے کی اپیل کی گئی ہے۔

گزشتہ 24 گھنٹوں کے دوران ریاست میں سب سے زیادہ 69 ملی میٹر بارش دھنباد ضلع کے پٹکی میں ریکارڈ کی گئی۔ اس دوران سب سے زیادہ درجہ حرارت مشرقی سنگھ بھوم ضلع کے بہراگوڑا میں 37.2 ڈگری سیلسیس رہا، جبکہ سب سے کم درجہ حرارت لاتیہار میں 20.2 ڈگری سیلسیس درج کیا گیا۔

جمعرات کو رانچی اور آس پاس کے علاقوں میں صبح سے موسم صاف رہا اور دھوپ نکلی رہی۔ تیز دھوپ کے باعث دن بھر گرمی اور حبس بھرا موسم محسوس ہوا۔ رانچی میں زیادہ سے زیادہ درجہ حرارت 31.6 ڈگری اور کم سے کم 21.6 ڈگری سیلسیس ریکارڈ کیا گیا۔

وہیں جمشیدپور میں زیادہ سے زیادہ درجہ حرارت 35.6 اور کم سے کم 25.2 ڈگری، ڈالٹن گنج میں زیادہ سے زیادہ 34.4 اور کم سے کم 24.7 ڈگری، بوکارو میں زیادہ سے زیادہ 31.1 اور کم سے کم 23.5 ڈگری، جبکہ چائباسا میں زیادہ سے زیادہ 35.8 اور کم سے کم 23 ڈگری سیلسیس درج کیا گیا۔

ہندوستھان سماچار

ہندوستان سماچار / محمد شہزاد