جودھپور، 12 ستمبر (ہ س):۔

جیسلمیر ضلع کی پوکھرن فیلڈ فائرنگ رینج میں 14 سے 16 ستمبر تک پہلی مرتبہ بھارتی فضائیہ کی جانب سے ’ڈرون تھان‘ کا انعقاد کیا جائے گا۔ اس میں دفاع اور ٹیکنالوجی کے شعبے سے وابستہ بھارتی صنعتیں جدید ترین ڈرون اور ڈرون مخالف ٹیکنالوجی تیار کرنے، ان کی آزمائش اور مظاہرہ کرنے گی۔

’ڈرون تھان-2026‘ کا مقصد ملک میں تیار کیے گئے بغیر پائلٹ کے فضائی نظام اور کاو¿نٹر ڈرون نظام کی صلاحیتوں کو جانچنا اور دفاعی شعبے میں دیسی ٹیکنالوجی کو فروغ دینا ہے۔ اسے دفاعی شعبے میں خود انحصاری کی سمت ایک اہم قدم قرار دیا جا رہا ہے۔ اس کے ذریعے غیر ملکی ٹیکنالوجی پر انحصار کم کرنے اور ملکی دفاعی صنعت کی حوصلہ افزائی پر زور دیا جائے گا۔

اس پروگرام میں ڈرون، نگرانی کے نظام، خفیہ معلومات جمع کرنے والی ٹیکنالوجی، اہداف کی شناخت کرنے والے نظام اور دشمن کے ڈرون کی شناخت کرکے انہیں ناکارہ بنانے والی کاو¿نٹر ڈرون ٹیکنالوجی پر خصوصی توجہ دی جائے گی۔ جدید جنگی نظام میں ڈرون کا استعمال تیزی سے بڑھ رہا ہے۔ ایسے میں ڈرون سے پیدا ہونے والے خطرات سے نمٹنے کے لیے مو¿ثر نظام تیار کرنا بھی سکیورٹی کے لیے ایک اہم ضرورت بن گیا ہے۔

دفاعی ذرائع کے مطابق ’ڈرون تھان‘ بھارتی دفاعی صنعت، ٹیکنالوجی کمپنیوں اور متعلقہ اداروں کو اپنے نظام کی صلاحیتیں دکھانے کا پلیٹ فارم فراہم کرے گا۔ کمپنیوں کو فوجی ضروریات کے مطابق اپنی مصنوعات کی آزمائش اور ٹیکنالوجی میں ضروری بہتری کرنے کا موقع ملے گا۔ اس سے دفاعی شعبے میں تحقیق، اختراع اور دیسی پیداوار کو فروغ ملنے کی امید ہے۔

اس پروگرام میں ملک و بیرون ملک کی 60 سے زیادہ دفاعی کمپنیوں کے حصہ لینے کی اطلاع ہے۔ یہ کمپنیاں پوکھران رینج میں اپنی جدید مصنوعات اور آلات کی براہِ راست پرواز اور دیگر صلاحیتوں کا مظاہرہ کریں گی۔ اس موقع پر دفاعی شعبے کے افسران اور ماہرین بھی موجود رہیں گے۔

ہندوستھان سماچار

ہندوستان سماچار / عطاءاللہ