کھٹمنڈو، 31 اگست (ہ س)۔ بنگلہ دیش کی پارلیمنٹ نے نیپال میں آنے والے تباہ کن سیلاب میں جان گنوانے والے لوگوں کے تئیں گہرے دکھ کا اظہار کرتے ہوئے متفقہ طور پر تعزیتی قرارداد منظور کی ہے۔ تعزیتی قرارداد میں جاں بحق افراد کے سوگوار خاندانوں کے تئیں دلی تعزیت کا اظہار کیا گیا ہے۔
قرارداد پر بحث کے بعد بنگلہ دیش کی پارلیمنٹ نے اسے متفقہ طور پر منظور کر لیا۔ جاں بحق افراد کو خراجِ عقیدت پیش کرتے ہوئے ارکان پارلیمنٹ نے ایوان میں ایک منٹ کی خاموشی اختیار کی۔ اس کے بعد مرحومین کی روحوں کی ابدی تسکین کے لیے دعا کی گئی۔ بنگلہ دیش کے مذہبی امور کے وزیر قاضی شاہ مفضل حسین نے دعا کرائی۔
دریں اثنا، بنگلہ دیش کی پارلیمنٹ کے اسپیکر حفیظ الدین احمد نے بھی نیپال میں سیلاب اور لینڈ سلائیڈنگ کے باعث ہونے والے بڑے پیمانے پر جانی نقصان پر گہرے دکھ اور افسوس کا اظہار کیا۔ اسپیکر احمد نے ایک تعزیتی پیغام جاری کرکے سوگوار نیپالی خاندانوں کے تئیں گہری ہمدردی کا اظہار کیا۔ انہوں نے قدرتی آفت میں جان گنوانے والے افراد کی مرحوم روحوں کی تسکین کی دعا کی اور زخمیوں کی جلد صحت یابی کے لیے بھی دعا کی۔
ہندوستھان سماچار
---------------
ہندوستان سماچار / عبدالواحد
