آئی جی آر ایس شکایات کے ازالے میں لاپروائی پر سی ڈی او سخت

علی گڑھ، 29 اگست (ہ س)۔ علی گڑھ میں آئی جی آر ایس اور سی ایم ہیلپ لائن پر موصول شکایات کے ازالے کا ورچوئل جائزہ اجلاس منعقد ہوا۔ اجلاس میں غیر مطمئن فیڈبیک پر ناراضگی ظاہر کرتے ہوئے چیف ڈولپمنٹ آفیسر یوگیندر کمار نے افسران کو شکایات ملتے ہی فوری، شفاف اور معیاری کارروائی کرنے کی ہدایت دی۔

جائزے میں سامنے آیا کہ مختلف محکموں سے متعلق 2,989 فیڈبیک موصول ہوئے، جن میں 1,723 شکایت کنندگان مطمئن جبکہ 1,266 غیر مطمئن رہے۔ مجموعی اطمینان کی شرح 57.64 فیصد رہی۔ سی ڈی او نے کہا کہ شکایت کا ازالہ محض رسمی کارروائی نہیں ہونا چاہیے بلکہ شکایت کنندہ کی حقیقی مشکل کا حل اور اس کی تسلی ضروری ہے۔

محکمہ وار جائزے میں میونسپل کارپوریشن سے متعلق سب سے زیادہ 1,000 فیڈبیک موصول ہوئے، جن میں 584 مطمئن اور 416 غیر مطمئن رہے۔ بجلی سے متعلق 584 فیڈبیک میں 363 مطمئن اور 221 غیر مطمئن پائے گئے۔

سی ڈی او نے افسران کو شکایات کی مسلسل نگرانی اور ضرورت پڑنے پر موقع پر جاکر مسئلہ حل کرنے کی ہدایت دی۔ انہوں نے واضح کیا کہ مسلسل غیر مطمئن فیڈبیک یا لاپروائی کی صورت میں کارروائی کی جائے گی، جس میں متعلقہ نوڈل افسر اور آئی جی آر ایس کا کام دیکھنے والے پَٹل اسسٹنٹ کی تنخواہ روکنے کی کارروائی بھی شامل ہے۔ ای ڈی ایم منوج راجپوت کو گزشتہ تین ماہ کی شکایات اور ازالے کی تقابلی رپورٹ تیار کرنے کی ہدایت دی گئی۔

ہندوستھان سماچار

---------------

ہندوستان سماچار / سید کامران علی گڑھ