ایوت محل، 28 اگست(ہ س)۔ ایوت محل کی وکلا تنظیم کے عہدیداروں سمیت مختلف شعبوں سے تعلق رکھنے والی متعدد شخصیات نے کانگریس کے گوا، دیو، دمن اور دادرا نگر حویلی کے انچارج مانک راؤ ٹھاکرے کی موجودگی میں کانگریس میں شمولیت اختیار کی۔ اس موقع پر وکلا تنظیم کے عہدیداروں نے کہا کہ وہ کانگریس کی نظریاتی سوچ، تمام مذاہب کے مساوی احترام، جمہوری اقدار اور سماجی اتحاد کے موقف پر اعتماد کا اظہار کرتے ہوئے پارٹی میں شامل ہوئے ہیں۔ اس موقع پر ایوت محل وکلا تنظیم کے تعلقہ صدر ایڈووکیٹ گوپال ڈہاکے، ایڈووکیٹ منگیش کدم، سہدیو پوار، یوراج مہلے، دھیرج دھاوڑے اور کِشن بھنک سمیت متعدد افراد نے سابق وزیر مانک راؤ ٹھاکرے کی موجودگی میں کانگریس میں شمولیت اختیار کی۔ نئے شامل ہونے والے افراد نے کہا کہ کانگریس کی نظریاتی سوچ عام لوگوں کو ساتھ لے کر چلنے والی ہے۔ تمام مذاہب کے مساوی احترام، جمہوریت اور سماجی اتحاد کے نظریات سے متاثر ہوکر انہوں نے کانگریس میں شمولیت اختیار کی ہے۔ ایڈووکیٹ گوپال ڈہاکے نے کہا کہ آنے والے دور میں تعلقہ سمیت لوہی ضلع پریشد حلقے میں کانگریس کی تنظیمی طاقت بڑھانے کے لیے پوری قوت کے ساتھ کام کیا جائے گا۔ مولیتی تقریب میں تعلقہ کانگریس کمیٹی کے صدر گجانن بیبیکر، یوتھ کانگریس کے صدر اتل راؤت سمیت متعدد افراد موجود تھے۔ہندوستھان سماچار

ہندوستان سماچار / جاوید این اے