نئی دہلی، 27 اگست (ہ س)۔

بھارتیہ جنتا پارٹی (بی جے پی) کے قومی صدر نتن نوین نے نو مقرر کردہ جنرل سکریٹریوں کے ساتھ جمعرات کو پہلی میٹنگ میں آئندہ اسمبلی انتخابات کے لیے روڈ میپ تیار کرنے پر زور دیا۔

پارٹی کے مرکزی دفتر میں منعقدہ اس میٹنگ میں قومی جنرل سکریٹری (تنظیم) بی ایل سنتوش، قومی جنرل سکریٹری سنیل بنسل، ستیش پونیا، ونود تاؤڑے، اسمرتی ایرانی اور ہریش دیویدی کے علاوہ مرکزی دفتر کے انچارج ترون چغ موجود تھے۔ میٹنگ کے آغاز میں ونود تاؤڑے اور اسمرتی ایرانی نے نتن نوین کا استقبال کیا۔

میٹنگ کے بعد ایک ویڈیو شیئر کرتے ہوئے نتن نوین نے کہا کہ آج مرکزی دفتر میں نو مقرر کردہ جنرل سکریٹریوں کے ساتھ ہونے والی میٹنگ میں تنظیم سے متعلق اہم امور پر تفصیلی تبادلہ خیال کیا گیا۔ میٹنگ کے دوران مختلف ریاستوں میں آئندہ اسمبلی انتخابات کے حوالے سے تنظیمی تیاریوں اور مستقبل کی حکمت عملی پر بھی تفصیل سے غور کیا گیا۔ آئندہ انتخابات کے پیش نظر تنظیم کو مزید مضبوط بنانے اور مؤثر انتخابی روڈ میپ تیار کرنے پر خصوصی زور دیا گیا۔

ہندوستھان سماچار

ہندوستان سماچار / عطاءاللہ