نئی دہلی، 27 اگست (ہ س)۔ ہندوستان نے جمعرات کو آفات سے متاثرہ ملک نیپال کوانسانی امداد اور آفات سے نمٹنے سے متعلق 37.5ٹن سامان( ایچ اے ڈی آر)، ادویات اور کھانے کے پیکٹوں کی دوسری کھیپ روانہ کی۔

وزیر خارجہ ڈاکٹر ایس جے شنکر نے ایکس پر لکھا، دوسری پرواز ابھی نیپال کے لیے روانہ ہوئی ہے جس میں37.5 ٹن ایچ اے ڈی آر سامان، دوائیں اور کھانے کے پیکٹ ہیں۔ ہندوستان نیپال کے حکام کے ساتھ مسلسل اور قریبی رابطے میں ہے۔ ہم امدادی کوششوں کے لیے اپنا مکمل تعاون جاری رکھیں گے۔

یہ بات قابل ذکر ہے کہ راسوا اور نیپال کے ملحقہ علاقوں میں دریائے بھوٹیکوشی میں بدھ کی صبح آنے والے تباہ کن سیلاب میں اب تک کم از کم 157 افراد ہلاک اور تقریبا 700 افراد لاپتہ ہیں۔ لاپتہ افراد میں غیر ملکی شہری اور حفاظتی اہلکار بھی شامل ہیں۔ سیلاب نے تین اضلاع میں بڑے پیمانے پر نقصان پہنچایا ہے۔

ہندوستھان سماچار

---------------

ہندوستان سماچار / عبدالسلام صدیقی