نئی دہلی، 20 اگست (ہ س)۔ مثبت عالمی اشاروں کی وجہ سے گھریلو شیئر بازار میں آج ابتدائی کاروبار کے دوران تیزی کا رجحان برقرار ہے۔ آج کاروبار کا آغاز بھی مضبوطی کے ساتھ ہوا تھا۔ تاہم بازار کھلتے ہی فروخت شروع ہونے کے باعث سینسیکس اور نفٹی دونوں اشاریوں کی رفتار میں کمی آئی۔ کچھ ہی دیر بعد خریداروں نے محاذ سنبھال لیا اور خریداری شروع کر دی، جس سے دونوں اشاریوں کی صورتحال میں دوبارہ بہتری آنے لگی۔ صبح 10 بجے تک کے کاروبار کے بعد سینسیکس 0.71 فیصد اور نفٹی 0.53 فیصد کی مضبوطی کے ساتھ کاروبار کر رہے تھے۔
بی ایس ای کا سینسیکس آج 558.77 پوائنٹس یعنی 0.73 فیصد کی مضبوطی کے ساتھ 77,468.45 پوائنٹس کی سطح پر کھلا۔ کاروبار شروع ہوتے ہی منافع وصولی کا سلسلہ شروع ہوگیا، جس کے باعث پہلے 15 منٹ میں ہی یہ انڈیکس اوپننگ سطح سے تقریباً 100 پوائنٹس پھسل کر 77,375.75 پوائنٹس کی سطح پر آگیا۔ اس کے بعد خریداروں نے خریداری شروع کر دی، جس سے انڈیکس کی رفتار میں دوبارہ تیزی کا رجحان بن گیا۔ بازار میں جاری خرید و فروخت کے درمیان صبح 10 بجے تک کے کاروبار کے بعد سینسیکس 543.54 پوائنٹس یعنی 0.71 فیصد کی برتری کے ساتھ 77,453.22 پوائنٹس کی سطح پر کاروبار کر رہا تھا۔
سینسیکس کی طرح این ایس ای کے نفٹی نے بھی آج 147.15 پوائنٹس یعنی 0.61 فیصد اچھل کر 24,225.45 پوائنٹس کی سطح سے کاروبار کا آغاز کیا۔ بازار کھلتے ہی منافع وصولی کے باعث فروخت شروع ہوگئی، جس کی وجہ سے یہ انڈیکس اوپننگ سطح سے تقریباً 40 پوائنٹس گر کر 24,184.55 پوائنٹس کی سطح تک پہنچ گیا۔ اس کے بعد خریداروں نے خریداری شروع کی، جس سے انڈیکس کی رفتار میں بہتری آنے لگی۔ بازار میں جاری خرید و فروخت کے درمیان صبح 10 بجے تک کے کاروبار کے بعد نفٹی 127.35 پوائنٹس یعنی 0.53 فیصد کی مضبوطی کے ساتھ 24,205.65 پوائنٹس کی سطح پر کاروبار کر رہا تھا۔
اب تک کے کاروبار میں اسٹاک مارکیٹ میں 2,797 شیئرز میں فعال کاروبار ہو رہا تھا۔ ان میں سے 2,132 شیئرز منافع کے ساتھ سبز نشان میں کاروبار کر رہے تھے، جبکہ 665 شیئرز نقصان کے ساتھ سرخ نشان میں تھے۔ اسی طرح سینسیکس میں شامل 30 شیئرز میں سے 27 شیئرز خریداری کے تعاون سے سبز نشان میں برقرار تھے۔ دوسری جانب تین شیئرز فروخت کے دباؤ میں سرخ نشان میں کاروبار کر رہے تھے۔ جبکہ نفٹی میں شامل 50 شیئرز میں سے 37 شیئرز سبز نشان میں اور 13 شیئرز سرخ نشان میں کاروبار کرتے نظر آئے۔
صبح 10 بجے تک کے کاروبار کے بعد اسٹاک مارکیٹ کی بڑی کمپنیوں میں شری رام فائنانس، ایٹرنل، انفوسس، ایکسس بینک اور بجاج فائنانس کے شیئرز 2.37 فیصد سے لے کر 1.32 فیصد تک کی مضبوطی کے ساتھ کاروبار کر رہے تھے۔ دوسری جانب ہنڈالکو انڈسٹریز، او این جی سی، ایشین پینٹس، کول انڈیا اور این ٹی پی سی کے شیئرز 2.13 فیصد سے لے کر 0.53 فیصد تک کی کمزوری کے ساتھ کاروبار کرتے نظر آئے۔
اس سے قبل گزشتہ کاروباری روز بدھ کو سینسیکس 325.78 پوائنٹس یعنی 0.42 فیصد کی کمزوری کے ساتھ 76,909.68 پوائنٹس کی سطح پر بند ہوا تھا۔ وہیں نفٹی نے 76.60 پوائنٹس یعنی 0.32 فیصد کی گراوٹ کے ساتھ 24,078.30 پوائنٹس کی سطح پر بدھ کے کاروبار کا اختتام کیا تھا۔
ہندوستھان سماچار
---------------
ہندوستان سماچار / عبدالواحد
