نئی دہلی، 02 اگست (ہ س)۔

ریزرو بینک آف انڈیا (آر بی آئی) کی دو ماہہ مانیٹری پالیسی کمیٹی (ایم پی سی) کی تین روزہ جائزہ میٹنگ 3 اگست سے شروع ہو کر 5 اگست تک جاری رہے گی۔ آر بی آئی کے گورنر سنجے ملہوترا کی صدارت میں ہونے والی اس میٹنگ کے فیصلوں کا اعلان وہ 5 اگست کو کریں گے۔

معاشی امور کے ماہرین نے اتوار کو بتایا کہ مغربی ایشیا کے بحران اور مہنگائی کے خدشات کو مدنظر رکھتے ہوئے آر بی آئی اس مرتبہ بھی اپنی پالیسی شرح سود میں کوئی تبدیلی نہیں کرے گا اور ریپو ریٹ کو 5.25 فیصد پر برقرار رکھ سکتا ہے۔

مرکزی بینک نے اقتصادی ترقی کو فروغ دینے کے لیے گزشتہ سال پالیسی شرح سود یعنی ریپو ریٹ میں 1.25 فیصد کی کمی کی تھی۔ اس وقت آر بی آئی نے ریپو ریٹ کو 5.25 فیصد پر برقرار رکھا ہوا ہے۔

ہندوستھان سماچار

ہندوستان سماچار / عطاءاللہ