کانکیر، 15 اگست (ہ س)۔

ضلع کے چارامہ تھانہ علاقے میں ہنسی مذاق کے دوران ہوئے تنازع میں ایک نوجوان پر درانتی سے حملہ کرنے کے معاملے میں پولیس نے ہفتہ کو دو ملزموں کو گرفتار کیا ہے۔ تھانہ انچارج انسپکٹر سریش کمار راٹھور کی قیادت میں پولیس ٹیم نے دونوں ملزم امیش رجک (27) اور روہت رجک (55) کو حراست میں لے کر پوچھ گچھ کی، جس کے بعد دونوں کو گرفتار کر لیا گیا۔ دونوں ملزمان ناکاپارہ، چارامہ کے رہنے والے ہیں۔

پولیس سے موصولہ اطلاع کے مطابق چارامہ کے ناکاپارہ کے رہنے والے گنیش سونکر (40) نے تھانے میں شکایت درج کرائی۔ انہوں نے بتایا کہ 12 اگست 2026 کی رات تقریباً 9:30 بجے رام ستہ چوک کے قریب امیش اور سورج سونکر سمیت کچھ لوگ بات چیت اور ہنسی مذاق کر رہے تھے۔ اسی دوران ہمانشو اور تلک بھی وہاں پہنچ گئے اور گفتگو میں شامل ہو گئے۔

اسی دوران کسی بات کو لے کر امیش رجک نے تلک اور ہمانشو کے ساتھ گالی گلوج کرتے ہوئے مارپیٹ شروع کر دی۔ گنیش سونکر بیچ بچاو¿ کے لیے پہنچے۔ الزام ہے کہ اس کے بعد امیش رجک اور روہت رجک نے گنیش کے ساتھ بھی ہاتھا پائی کی۔

اس کے بعد امیش رجک نے لوہے کی درانتی سے گنیش کے سر پر وار کر دیا، جس سے انہیں شدید چوٹ آئی۔ گنیش کی شکایت پر چارامہ تھانے میں مقدمہ نمبر 167/2026 درج کیا گیا۔ پولیس نے بی این ایس کی دفعہ 109(1) اور 3(5) کے تحت مقدمہ درج کرکے ملزمان کی تلاش شروع کی، جس کے بعد دونوں کو گرفتار کر لیا گیا۔

ہندوستھان سماچار

ہندوستان سماچار / عطاءاللہ