فرخ آباد، 14 اگست (ہ س)۔ اتر پردیش کے فرخ آباد میں جمعرات کی دیر رات اٹاوہ-بریلی ہائی وے پر گاندھی گاؤں کے قریب ایک تیز رفتار ڈمپر نے کانوڑ لے کر جا رہے 22 سالہ کانوڑ یاتری کو ٹکر مار دی۔ حادثے میں کانوڑ یاتری کی موقع پر ہی موت ہو گئی۔ واقعے کے بعد مشتعل کانوڑ یاتریوں نے ہائی وے پر جام لگا دیا، جس کے باعث تقریباً دو گھنٹے تک ٹریفک متاثر رہا۔
اطلاعات کے مطابق کمال گنج تھانہ علاقے کے گدّاکھیڑا گاؤں کا رہنے والا شیو کمار (22) اپنے تقریباً 55 ساتھیوں کے ساتھ پانچال گھاٹ سے کانوڑ لے کر گولا جا رہا تھا۔ گاندھی گاؤں کے قریب پیچھے سے آنے والے ڈمپر نے اسے ٹکر مار دی، جس سے شیو کمار کی جائے حادثہ پر ہی موت ہو گئی۔
حادثے کے بعد شیو کمار کے ساتھ چل رہے کانوڑ یاتریوں نے ہائی وے پر جام لگا دیا۔ وہ ڈمپر ڈرائیور کی فوری گرفتاری کا مطالبہ کر رہے تھے۔ اطلاع ملنے پر راج پور پولیس موقع پر پہنچی اور کانوڑ یوں کو سمجھانے کی کوشش کی، لیکن وہ ڈرائیور کی گرفتاری کے مطالبے پر بضد رہے۔ پولیس نے ڈمپر کو قبضے میں لے لیا، تاہم ڈرائیور فرار ہو گیا۔
جام کی اطلاع ملنے پر سی او محمدآباد اجے ورما، ایڈیشنل سپرنٹنڈنٹ آف پولیس گریش کمار اور راج پور تھانہ انچارج ناگیندر سنگھ پولیس فورس کے ساتھ جائے حادثہ پر پہنچے۔ افسران نے کانوڑ یاتریوں سے بات چیت کرکے جام کھلوانے کی کوشش کی۔ اس دوران تقریباً دو گھنٹے تک ہائی وے پر ٹریفک متاثر رہا اور تقریباً پانچ کلومیٹر طویل جام لگ گیا۔اہل خانہ کے مطابق، متوفی شیو کمار تین بھائیوں میں دوسرے نمبر پر تھا۔ پولیس نے لاش کو قبضے میں لے کر پوسٹ مارٹم کے لیے بھیج دیا ہے اور مزید قانونی کارروائی شروع کر دی ہے۔ ایڈیشنل سپرنٹنڈنٹ آف پولیس گریش کمار نے بتایا کہ پولیس ڈمپر ڈرائیور کی تلاش کر رہی ہے۔
ہندوستھان سماچار
ہندوستان سماچار / Mohammad Khan
