نئی دہلی، 9 جولائی (ہ س)۔

وزیر اعظم نریندر مودی نے کہا کہ مضبوط یقین، مسلسل کوشش اور مثبت سوچ ہی کامیابی کی اصل کنجی ہیں۔ انہوں نے یقین ظاہر کیا کہ ملک کے نوجوان ان خوبیوں کے ساتھ ایک ترقی یافتہ ہندوستان کی تعمیر کے لیے پوری طرح وقف ہیں۔

انہوں نے آج ایکس پر سبھاشیتم کا اشتراک کیا اس کا مطلب یہ ہے کہ امید نہ ہارنا، ہمت کو برقرار رکھنا، اور جوش و جذبے کے ساتھ کوشش جاری رکھنا خوشحالی کی بنیادی اساس ہیں۔ یہ بھی حقیقی خوشی کا راستہ ہے۔ زندگی کے ہر مقصد میں صرف وہی لوگ کامیابی حاصل کرتے ہیں جو کبھی حوصلہ نہیں ہارتے اور مثبت سوچ کے ساتھ کام کرتے رہتے ہیں۔

وزیر اعظم نے کہا کہ ملک کے نوجوان مضبوط یقین، انتھک محنت اور مثبت رویہ کے ساتھ ترقی یافتہ ہندوستان کے عزم کو پورا کرنے میں اہم رول ادا کر رہے ہیں۔ عزم اور مسلسل کوشش ہی انسان کو کامیابی کی معراج پر پہنچا سکتی ہے۔

ہندوستھان سماچار

ہندوستان سماچار / عطاءاللہ