اورئی، 08 جولائی (ہ س)۔ سی جے ایم کے حکم پر اس وقت کے اسٹیشن ہاؤس آفیسر( تھانیدار ) پنکج پانڈے، اس وقت کے ایس آئی ( داروغہ ) ابھیشیک کارتک، دو نامعلوم پولیس اہلکاروں اور ان کے تین نامعلوم ساتھیوں کے خلاف اتر پردیش کے جالون ضلع کے تھانا ایٹ علاقے سے متعلق ایک حساس معاملے میں مختلف دفعات کے تحت ایف آئی آر درج کی گئی ہے۔ کئی مہینوں تک زیر التوا رہنے کے بعد عدالت کی مداخلت سے کیس کی سماعت ہوئی۔ اسٹیشن ہاؤس آفیسر شیو شنکر سنگھ نے بدھ کو بتایا کہ عدالت کے حکم پر مقدمہ درج کیا گیا ہے۔

شکایت کنندہ نے الزام لگایا ہے کہ 26 فروری 2026 کی شام کو مبینہ طور پر اس کے ساتھ چھیڑ چھاڑ کی گئی، غیر مہذب سلوک کیا گیا اور بازار میں زبردستی کار میں بٹھایا گیا۔ یہ بھی الزام لگایا گیا ہے کہ جب خاتوں نے مزاحمت کی تو ملزم نے اس پر گاڑی چڑھا کر اسے مارنے کی کوشش کی۔ خاتون کے شور مچانے اور محلے کے لوگ وہاں جمع ہونے کے بعد ملزم موقع سے فرار ہو گیا۔ شکایت کنندہ کا الزام ہے کہ جب وہ واقعے کے بعد پولیس اسٹیشن پہنچی تو اس نے مرکزی ملزم کو اس وقت کے پولیس اسٹیشن انچارج کی سرکاری رہائش گاہ میں بیٹھا دیکھا۔ خاتون کے مطابق اس نے اس کی ویڈیو بنانے کی کوشش کی جس پر اس وقت کے اسٹیشن ہاؤس آفیسر، سب انسپکٹر اور دیگر پولیس اہلکاروں نے اس خاتون پر حملہ کیا، اس کا موبائل فون چھین لیا، بدتمیزی کی اور ویڈیو ریکارڈنگ روکنے کی کوشش کی۔ شکایت میں پولیس اہلکاروں پر ملزم کو بچانے اور سمجھوتہ کرنے کے لیے دباؤ ڈالنے کا بھی الزام لگایا گیا ہے۔

متاثرہ خاتون کا کہنا ہے کہ اس نے رجسٹرڈ پوسٹ کے ذریعے شکایت مختلف حکام کو بھیجی، جن میں سپرنٹنڈنٹ پولیس، انسپکٹر جنرل پولیس، ڈائریکٹر جنرل پولیس، ریاستی خواتین کمیشن، ریاستی انسانی حقوق کمیشن، وزیر اعلی، گورنر، صدر اور وزیر اعظم شامل ہیں۔ اس نے پولیس اسٹیشن کے احاطے کی سی سی ٹی وی فوٹیج کو رائٹ ٹو انفارمیشن ایکٹ کے تحت محفوظ رکھنے اور اس کی تصدیق شدہ کاپی فراہم کرنے کی بھی درخواست کی، لیکن مطلوبہ کارروائی نہیں کی گئی۔ کئی مہینوں کی سرد مہری کے بعد، شکایت کنندہ نے چیف جوڈیشل مجسٹریٹ (سی جے ایم)، جالون، اورائی کی عدالت میں درخواست جمع کرائی۔ عدالت کے حکم کی تعمیل میں 7 جولائی 2026 کو اس وقت کے ایس ایچ او پنکج پانڈے، اس وقت کے ایس آئی ابھیشیک اور کارتک کے ساتھ دو نامعلوم پولیس اہلکاروں، ایک نامزد ملزم اور اس کے تین نامعلوم ساتھیوں کے خلاف بی این ایس کی مختلف دفعات کے تحت پولیس اسٹیشن ایٹ میں مقدمہ درج کیا گیا اور تفتیش شروع کی گئی ہے۔

ہندوستھان سماچار

--------

ہندوستان سماچار / عبدالواحد