گریڈیہ، 08 جولائی (ہ س)۔ ضلع کے دھنوار تھانہ علاقے میں منگل کی رات دیر گئے پولیس نے بڑا چوک کے قریب ہوٹل ڈسکوری میں ایک بڑی کارروائی کرتے ہوئے مبینہ غیر اخلاقی سرگرمیوں کے نیٹ ورک کا پردہ فاش کیا ہے۔ خفیہ اطلاع کی بنیاد پر ایس ڈی پی او کی قیادت میں چھاپہ مارا گیا جس میں ہوٹل کے ایک کمرے سے دو نوجوان اور دو خواتین کو حراست میں لیا گیا۔

پولیس کے مطابق چھاپے کے دوران کمرے سے قابل اعتراض اشیا بھی برآمد ہوئی ہیں۔ یہ کارروائی ضلع انتظامیہ کی ہدایت پر مجسٹریٹ کی موجودگی میں کی گئی۔ تحقیقات کے دوران انتظامیہ نے ہوٹل کے احاطے میں جسم فروشی جیسی غیر اخلاقی سرگرمیوں کے الزامات کو سنگین مانتے ہوئے ہوٹل ڈسکوری کو فوری طور پر سیل کر دیا۔

پولیس کے مطابق چھاپہ رات 10 بجے کے قریب شروع ہوا۔ اور تقریباً دو گھنٹے تک جاری رہا۔ مجسٹریٹ ابھیشیک کمار کی موجودگی میں ہوٹل کے مختلف کمروں اور ریکارڈ کا بھی معائنہ کیا گیا۔

ایس ڈی پی او امریندر کمار نے کہا کہ ہوٹل میں مبینہ طور پر غیر اخلاقی سرگرمیوں کی شکایتیں کافی عرصے سے موصول ہو رہی تھیں۔ انہوں نے مزید کہا کہ ہوٹل کے خلاف پہلے بھی دو بار کارروائی کی گئی تھی لیکن شکایات کا سلسلہ جاری تھا جس کی بنیاد پر منگل کی رات خصوصی چھاپہ مارا گیا۔فی الحال پولیس حراست میں لیے گئے لوگوں سے پوچھ گچھ کر رہی ہے اور معاملے میں مزید قانونی کارروائی جاری ہے۔

ہندوستھان سماچار

ہندوستان سماچار / محمد شہزاد